Kjo bisedë shkoi si mos më keq, por një tjetër, që bënë në telefon, u eci ujë.
Madje, njëri prej bashkëbiseduesve, ukrainasi Volodymyr Zelenski, tha se do të donte që ajo të vazhdonte edhe më gjatë, sikur tjetri, amerikani Donald Trump, të mos kishte edhe obligime tjera.
Me gjasë, i pari kishte qejf të zgjaten muhabetet kur i dyti i tha dicka që mund t’i ketë pëlqyer deridiku.
Mundesh me e lexu edhe…
Gjatë telefonatës, trump sugjeroi që Zelenski të shqyrtojë dhënien e pronësisë mbi centrale ukrainase që prodhojnë rrymë, përfshirë edhe atë bërthamor, në Zaporizhia, të cilin e mban të pushtuar Rusia.
Kjo, sipas deklaratave të sekretarit të shtetit Mark Rubio dhe këshilltarit për siguri kombëtare, Mike Ëalz, do të nënkuptonte siguri afatgjate për këto fabrika të energjisë elektrike.
Zelenski, megjithatë, tha se bëhet fjalë vetëm për centralin bërthamor të Zaporizhia.
Çështja e sigurisë së infrastrukturës po del të ketë qenë krye temë e telefonatave të veçuara të Trump me Putin e Zelenski.
Por, për sa i përket kësaj çështje, po duket sikur të tria palët kanë pikëpamje të ndryshme. Në këtë kontekst, Amerika e përdor shprehjen energji dhe infrastrukturë, Rusia i referohet më ngushtë, vetëm si “infrastruktura energjetike”, ndërsa Ukraina kërkon kjo të përfshijë edhe mbrojtjen e hekurudhave dhe porteve detare./Katror.info
Përgatiti:
