Organizata Humanitare Ndërkombëtare, UNICEF, me program në Kosovë, ka publikuar raportin vjetor të punës për vitin 2023.
Në këtë raport janë publikuar shumë projekte të realizuara në të mirë të fëmijëve dhe të rinjve të Kosovës.
”Jemi të lumtur të ndajmë me ju raportin tonë vjetor për vitin 2023. Ishte një vit me ndikim, sfida dhe rezultate. Një vit partneriteti dhe bashkëpunimi për fëmijët dhe të rinjtë në Kosovë”, thuhet në njoftimin e UNICEF Kosovo Programme, në mediat sociale.
Mundesh me e lexu edhe…
UNICEF punon në mbi 190 vende dhe territore për të shpëtuar jetët e fëmijëve, për të mbrojtur të drejtat e tyre dhe për t’i ndihmuar ata të përmbushin potencialin e tyre, që nga fëmijëria e hershme deri në adoleshencë.
Disa nga rezultatet e arrituara të kësaj organuzate në Kosovë brenda vitit mund t’i shihni më poshtë:
-Vitet e para të jetës:
-Ligji për Edukimin në Fëmijërinë e Hershme u miratua
-U rrit buxheti për Edukimin në Fëmijërinë e Hershme
-70% e fëmijëve të lindur në 2023 u mbështetën me shërbime shëndetësore përmes Programit të Vizitave në Shtëpi
-15,000 prindër shkarkuan aplikacionin e prindërimit “Foleja”
-Të rinjtë dhe adoleshentët:
-1,168 fëmijë nga komunitetet rom, ashkali dhe egjiptian morën mbështetje mësimore në baza ditore përmes Qendrave Mësimore
-249 ekipe për parandalim dhe reagim për braktisjen e shkollës në arsim u krijuan
-25 mësimdhënës ndihmës në pesë komuna për t’i mbështetur fëmijët me aftësi të kufizuara në klasë u angazhuan
-2,056 adoleshentë dhe të rinjë u pajisën me shkathtësi për jetë dhe punë përmes programeve: Youth4CleanAir, UPSHIFT, PONDER, PODIUM
-656 adoleshentë dhe të rinj kryen punë praktike përmes K-Genu www.kosovogenu.com
-Mundësi të barabarta për të gjithë fëmijët:
=Ligji për Shërbimet Sociale dhe Familjare u miratua
-U rritën 40% pagesat mujore për fëmijët në familjet strehuese, ku përfituan 485 fëmijë;
-1,541 fëmijë me aftësi të kufizuara dhe 1,412 prindër përfituan nga qendrat e rehabilitimit me bazë në komunitet
-550 kërkesa u nënshkruan që bënë thirrje për përfshirjen e fëmijëve me aftësi të kufizuara si pjesë e fushatës së përbashkët me BE-në. /Katror.info
Përgatiti:
