Organizata për Rritjen e Cilësisë në Arsim (ORCA) ka publikuar sot raportin vjetor për transparencën formale të universiteteve publike në Kosovë për vitin 2025, ku ky aport analizon nivelin e hapjes dhe qasjes në dokumentet zyrtare të universiteteve, raporton Ekonomia Online.
Liridona Ademaj nga ORCA theksoi se për 2025 rritja e transparencës ka qenë e qëndrueshme, po ashtu ajo shtoi se theksoi se Universiteti i Prishtinës dhe ai i Gjakovës këtë vit janë lider të transparencës.
“Mund të themi që rritja e transparencës nëpër universitet ka qenë e qëndrueshme. Të gjitha universitetet janë munduar të jenë në hap me transparencën dhe kanë publikuar dokumentet dhe informatat e nevojshme. Edhe me këto ndryshime metodologjike mund të vërehet që ka qenë një rritje. Kjo natyrisht mund të cilësohet si vetëdijesim të stafit akademik, i profesorëve, menaxhmentëve dhe studentëve që janë hisedarët kryesorë Këtë vit, liderë të transparencës është Universiteti i Prishtinës dhe i Gjakovës, një shembull tjetër i transparencës është Universiteti i Ferizajt që në matjen e parë ka pasur indeksin 0.29 apo jo transparent”, tha ajo.
Mundesh me e lexu edhe…
Rektori i Universitetit të Prishtinës, Arben Hajrullahu, tha se transparenca mbetet prioritet, por theksoi se mungesa e stafit dhe sfidat në sektorin e teknologjisë informative ndikojnë në përditësimin e të dhënave në kohë reale.
“Është e arritur e madhe e jonë si shoqëri si vend si universitete, shpeshherë ne ballafaqohemi me disa vështirësi sidomos me sektorin e teknologjisë informative, mungesën e stafit, përditësimin e të dhënave në kohë reale, nuk është justifikim tentim justifikimi, por vetëm tentim sqarimi se pse ndoshta ne nuk arrijmë të jemi në kohë reale transparent njëqind për qind.”, tha ai.
Rron Gjinovci nga ORCA është shprehur i kënaqur me zhvillimin e një aktiviteti që fokusohet në aspektet pozitive të arsimit të lartë.
“Po dua me ju thënë që jam i lumtur që mundemi me bë një kësi eventi për diçka që është pozitive. Pavarësisht që ne e kemi shtuar numrin e indikatorëve që është një ndryshim i madh metodologjik prej 28 dokumenteve të kalojnë në 36, një përqindje relativisht e madhe. Kjo u pa që nuk ka reflektuar asgjë te kjo rënie drastike e universiteteve”, tha ai./Katror.info
Përgatiti:
