Universiteti i Prishtinës ka arritur një arritje të rëndësishme duke u renditur në vendin e 10-të në renditjen e përgjithshme të edicionit të 9-të të Inspireli Awards 2024, një nga konkurrset më prestigjioze ndërkombëtare për studentët në fushën e arkitekturës dhe dizajnit. Ky konkurs ka përfshirë 1362 universitete nga e gjithë bota, duke e bërë këtë sukses edhe më të veçantë për Universitetin e Prishtinës, shkruan Katror.info.
Ky rezultat ka ardhur si pasojë e angazhimit të studentëve të Fakultetit të Arkitekturës në konkurset ndërkombëtare të integruara në kurrikulat akademike. Projekti që ka sjellë këtë sukses është “Sustainable Village – ECOUNITY”, i realizuar nga studentët Sibora Ramadani, Eron Shala, Bleranda Hykosmoni dhe Albina Zenunaj, nën udhëheqjen e Prof. Asst. Rozafa Basha, në kuadër të lëndës “Projektim – Banim”. Ky projekt ka arritur vendin e parë në kategorinë e tij dhe ka kontribuar në këtë pozicion të lartë të Universitetit të Prishtinës në renditje.
Ceremonia e dorëzimit të certifikatës së renditjes për Universitetin e Prishtinës ka u mbajt në praninë e fituesit të mëparshëm të Inspireli Awards dhe tani anëtar i jurisë, Lendrit Krasniqi, si dhe studentit të nivelit master Florian Shala.
Mundesh me e lexu edhe…
Ky sukses i Universitetit të Prishtinës është një dëshmi e përkushtimit të studentëve të tij, punës së palodhur të stafit akademik dhe mbështetjes së vazhdueshme të komunitetit universitar. Ky rezultat është një hap tjetër drejt njohjes ndërkombëtare të cilësisë akademike dhe arritjeve të studentëve të Universitetit të Prishtinës./Katror.info
Përgatiti:
