Festivali i muzikës elektronike “Unum” do të mbahet nga 5 deri më 10.06.2025, te “Rana e hedhun”, në Shëngjin të Shqipërisë – duke sjellë kështu edicionin e tij të gjashtë me një line-up të gjerë artistësh ndërkombëtarë.
Në natën e parë të Festivalit do të performojë Black Coffee, DJ e producent i njohur nga Afrika e Jugut.
Përveç tij, në tri skenat kryesore të Festivalit – Pine, Beach dhe Main Stage – do të ngjiten artistë, si: Carlita, Cameron Jack, Franco Cinelli, Fell Reis, Hot Oasis dhe të tjerë.
Mundesh me e lexu edhe…
Ardin Badivuku, njëri nga organizatorët e “Unum”, e ka cilësuar këtë edicion si më të madhin që nga krijimi i Festivalit.
“Ky edicion konsiderohet si më i madhi deri më tani, ku kemi arritur t’i sjellim emrat më të mëdhenj të muzikës elektronike, si: Black Coffe, Damian Lazarus, Carlita, Dixion, Ame live, si dhe shumë të tjerë. Andaj i ftoj të gjithë dashamirësit e muzikës elektronike që t’i bashkohen edicionit të gjashtë të Unum Festival.” – ka thënë Badivuku.
Janë edhe 5 ditë deri në nisjen zyrtare të Festivalit, ndërsa përgatitjet janë në fazën përfundimtare.
Festivali e nisi rrugëtimin më 2019, duke tërhequr mijëra vizitorë nga Shqipëria dhe vende të ndryshme të botës.
Detaje rreth çmimeve për pjesëmarrje në Festival mund të gjeni në këtë link. /Katror.info
Përgatiti:
