Video thirrjet edhe në X, konfirmon CEO e X, ish-Twitter

Drejtoresha e rrjetit social X (ish Twitter) Linda Yacarino konfirmoi se përdoruesit e kësaj platforme së shpejti do të mund të bëjnë video thirrje.

Yacarino njoftoi funksionin e ri në X gjatë një interviste me CNBC.

“Së shpejti do të keni mundësi të bëni video thirrje pa pasur nevojë t’i zbuloni numrin tuaj të telefonit askujt në platformë,” tha ajo.

Ky është një tjetër tregues se Yacarino, së bashku me pronarin e X, Elon Musk, po punojnë me të vërtetë në misionin për ta bërë X një “aplikacion për të gjithë”, i cili do të ketë klipe me forma të gjata, opsione pagese, abonime dhe më shumë.

just called someone on X 🤯🤯🤯🤯

— Andrea Conway (@ehikian) August 9, 2023

Ky informacion vjen pas një “njoftimi të koduar” nga dizajnerja e X, Andrea Conway. Ajo ka shkruar në postimin e saj se “sapo thirra dikë në X”. Edhe pse fillimisht nuk ishte e qartë se çfarë telefonate i referohej, tashmë është e qartë se bëhet fjalë për një videotelefonatë.

Megjithatë, ende nuk është e qartë se si X do të përdorë video thirrjet për të kënaqur kërkesën e saj të madhe për konsumatorët. Bota e video-telefonatave tashmë është e “mbushur” sepse ka “lojtarë” si Zoom, Microsoft Teams, Google Meet, Apple FaceTime e të tjerë. Megjithatë, Musk dhe Yacarino janë të vendosur të transformojnë kompaninë dhe ta shohin X si diçka shumë më të madhe se tweet-et, diçka që do të bëhet një qendër për përmbajtjen mediatike, komunikimin dhe pagesat, shkruan Katror.info.

“Ndërsa e riemërojmë X, duhet të jemi të hapur dhe të vetëdijshëm se ai po evoluon në një ‘shesh global të qytetit’ të ushqyer nga shprehja e lirë, ku publiku mblidhet në kohë reale. Koha reale është thelbësore për gjallërinë e X dhe mënyrën se si njerëzit ndërveprojnë,” tha Yacarino.

“The rebrand represented really a liberation from Twitter,” X CEO Linda Yaccarino tells @SaraEisen. “A liberation that allowed us to evolve past a legacy mindset.” https://t.co/rGXVhef6PL pic.twitter.com/v4xr9IH5X0

— CNBC (@CNBC) August 10, 2023

Një nga hapat e parë të rinj të X është video me formë të gjatë. Në maj, kompania shtoi mundësinë për të postuar video deri në dy orë për abonentët e Twitter Blue. Apple e pranoi menjëherë këtë dhe shfrytëzoi rastin për të nxjerrë të gjithë episodin e parë të serialit të saj “Silo”. X kohët e fundit gjithashtu filloi të paguajë krijuesit e përmbajtjes që kanë mjaft ndjekës për të gjeneruar të ardhura. Një përdorues pretendon se ka fituar 24,000 dollarë.

Drejtoresha ka folur edhe për mundësinë e pagesës.

“Është folur shumë për pagesat mes jush dhe një miku, mes jush dhe një prej krijuesve tuaj. Ka të bëjë me shkëputjen nga Twitter, i cili na ka lejuar të evoluojmë, të ndryshojmë mënyrën se si njerëzit dëgjojnë, shikojnë, mblidhen, argëtohen dhe bëjnë transaksione, të gjitha në një platformë”, përfundoi Yacarino./Katror.info