300 artistë të ardhur në Vlorë, në edicionin XVI të “Aulona Inter Folk Festival” nga vende të ndryshme të botës prej tri ditësh i kanë dhënë gjallëri qytetit të Vlorës me këngët, vallet dhe kostumet tradicionale.
Të tri netët janë ndjekur nga artdashës të shumtë vendas dhe të huaj. Koncertet u zhvilluan para stadiumit të qytetit bregdetar. Në skenë janë ngjitur grupet nga Shqipëria, Kosova, Rumania, Hungaria, Maqedonia e Veriut, Greqia, Italia dhe Ukraina.
Kupën e festivalit e rrëmbeu Ansambli “Romanasul” nga Rumania, raporton euronews.al, transmeton Klankosova.tv.
Mundesh me e lexu edhe...
Qytetarë vlonjanë i preferojnë aktivitetet e tilla, të cilat promovojnë traditat dhe kulturat e vendeve të ndryshme, por patriotizmi për vendlindjen mbizotëron.
Ndërsa përshtypja e të huajve për festivalin ishte pozitive. Ata vlerësojnë shumë Vlorën dhe aktivitete që përcjellin vlerat kulturore të Shqipërisë.
Grupet pjesëmarrëse nuk u ngjitën vetëm në skenën e festivalit të vendosur në sheshin përpara stadiumit të futbollit “Flamurtari”, por edhe në mjediset e shumta publike, rrugë e sheshe, që mbajtën peshën e rëndë të ngjyrave të kostumeve, tingujt e këngëve dhe ritmet e valltarëve. /Katror.info
Përgatiti:
