Prodhuesi gjerman i makinave Volkswagen shpreson se kërkesa për automjete elektrike do të rritet pas një ngadalësimi të kohëve të fundit dhe mbetet i fokusuar në to, tha shefi i kompanisë Thomas Schaefer përpara panairit të automjeteve, IAA.
“Deri në vitin 2027, ne si markë do të prezantojmë 11 modele të reja elektrike në treg”, tha Schaefer për agjencinë gjermane dpa.
Edhe pse kërkesa është zbutur kohët e fundit, VW do të vazhdojë të përqendrojë vëmendjen e saj te automjetet elektrike, thotë ai.
Mundesh me e lexu edhe…
“Ne supozojmë se pjesa e e-makinave në Evropë do të rritet ndjeshëm në vitet e ardhshme”, tha Schaefer, i cili e quajti rënien e fundit të kërkesës “të përkohshme”.
Dëshira për makina elektrike, veçanërisht në Gjermani, ra në fillim të vitit për shkak të inflacionit dhe deri vonë pritjet e gjata për dorëzim. Kjo do të thoshte që VW duhej të reduktonte prodhimin në Emden për një periudhë të caktuar, shkruan Katror.info.
Megjithatë, situata është përmirësuar tani, tha Schaefer.
“Që nga maji, ne kemi parë sërish një trend rritës të porosive të reja”, shpjegon Schaefer.
Schaefer përjashtoi një ulje çmimi, megjithëse prodhuesi amerikan i makinave elektrike Tesla ka ulur çmimet për të rritur kërkesën.
Qëllimi i VW është të zgjerojë pjesën e automjeteve elektrike në 80 për qind deri në vitin 2030 dhe më pas në 100 për qind tre vjet më vonë.
Shitjet e automjeteve elektrike përbënin 7.3 për qind të totalit të shitjeve globale në gjysmën e parë të 2023, por Schaefer thotë se kjo është kryesisht për shkak të vendeve si Brazili, ku biznesi është në fillimet e tij.
“Në Evropë, pjesa e e-makinave është tashmë dukshëm më e lartë. Në fund të gjysmës së parë të vitit ne ishim në 15.1 për qind, vetëm në Gjermani në 15.4 për qind,” shtoi ai.
Kjo do të thotë se në Gjermani, VW arriti të kapërcejë Tesla-n dhe të bëhet marka numër një kur bëhet fjalë për automjetet elektrike./Katror.info
Përgatiti:
