Në një hapësirë në miniaturë, prodhuesi i çuditshëm i verës rrit rrush të kuq për vetëm 29 shishe në vit, të cilat shiten në galerinë e artit Bonsioni Arte, pak rrugë më tutje, për një shifër marramendëse.
Italiani Tullio Masoni prodhon një nga verërat më ekskluzive në botë – por ai nuk dëshiron që askush ta pijë atë. Sipërmarrësi, koleksionisti i arteve dhe ish-bankieri i investimeve zotëron atë që ai thotë se është vreshta më i vogël në botë.
Ndodhet në majë të një pallati të shekullit të 16-të në vendlindjen e “trengjyrëshit” të flamurit italian. Qyteti i Reggio Emilia ndodhet midis Parmës dhe Modenës, një zonë që i ka dhënë Italisë disa nga eksportet e saj më të famshme, duke përfshirë Ferrarin dhe Lamborghinin, Parma prosciutto dhe ragu alla Bolognese, si dhe lasagna dhe tortellini, shkruan Katror.info.
Mundesh me e lexu edhe…
Mund ta gjeni vreshtin Tullia Masonia në çatinë e Via Mari 10, që është adresa dhe emri i vetë verës. Edhe pse kishte një vresht “të vërtetë” jo shumë larg qytetit, ai arriti në përfundimin se për të shpenzonte më shumë se sa fitonte, ndaj e shiti. Siç tha për CNN, njëzet vjet më vonë u pendua dhe ndërtoi një vresht “xhepi”.
Në një zonë sa një garazh, pra 18.5 metra katrorë, Tullio rrit rrushin Sangiovese për 29 shishe verë në vit, të cilat shiten disa rrugë më tutje në galerinë e artit Bonsioni Arte për shumën e pabesueshme prej 5000 euro.
“Vera ime është një formë e shprehjes artistike, një provokim filozofik, diçka për t’u mbajtur në dhomën e ndenjes në mënyrë që të mund të flisni për të me miqtë tuaj, t’u tregoni atyre për të çmendurin që ndërtoi një vresht në çati,” tha Masoni. “Nëse ju shikoni një rrotë biçiklete në dhomën e ndenjes, jo në garazh, do ta kuptoni se sa e bukur është”, tha Masoni. “Vreshti im është i tillë: është i papritur, stimulon trurin, nxit mendime të reja. Via Mari 10 është një psiko-verë, një masazhues truri, lënda jonë gri e atrofizuar nga konvencionet dhe modelet e mendimit. Është një verë e krijimtarisë së gjallë, një simulacrum (kopje pa origjinal), kontradiktë bashkëkohore e realitetit”, thotë prodhuesi i verës.
Lidhja midis verës dhe artit fillon me hardhitë që rriten në kafaz, vepër e skulptorit vendas Oscar Accorsi. Vera vjetërohet në fuçi lisi artistike Lorenzo Menozzi që përfaqësojnë një burrë dhe një grua. Giuseppe Camuncoli, artisti i famshëm i Marvel, i lindur në Reggio Emilia, firmos etiketat e verërave. Për shkak të gjithë kësaj, Tullio inkurajon klientët e tij që të mos i hapin kurrë shishet, por t’i trajtojnë ato si vepra arti.
“Unë jam i vetmi prodhues i verës në botë që thotë se nuk duhet të pini verën e tij,” tha ai. /Katror.info
Përgatiti:
