Baby Reindeer, hiti televiziv britanik shumë i popullarizuar, por shumë i diskutueshëm, ka marrë çmimin ‘Emmy Awards’, duke fituar katër trofe në ceremoninë në Los Angeles.
Krijuesi dhe ylli i shfaqjes, komediani skocez Richard Gadd, fitoi tre prej tyre – për aktrimin, shkrimin dhe prodhimin ekzekutiv të shfaqjes.
Bashkëylli i tij Jessica Gunning, e cila luante rolin e përndjekëses Martha, u shpall aktorja më e mirë në rol dytësor në një serial të kufizuar.
Mundesh me e lexu edhe…
“Oh zoti im”, tha ajo kur pranoi çmimin, shkruan BBC.
“Faleminderit shumë. Sinqerisht ndihem sikur do të zgjohem çdo minutë tani dhe e gjithë kjo ka qenë një ëndërr”.
Rrëfimi i Gaddit për ndjekjen e një gruaje për disa vite dhe abuzimin seksual nga një personazh mashkull i industrisë televizive, ka qenë emisioni më i përfolur i vitit.
Megjithatë, pretendimi i saj se është “një histori e vërtetë” e ka bërë atë të diskutueshme dhe gruaja e jetës reale që dyshohet se frymëzoi personazhin, po padit aktualisht Netflix për shpifje, neglizhencë dhe shkelje të privatësisë, përcjell Telegrafi.
Duke pranuar çmimin e tij për shkrimin më të mirë për një seri të kufizuar, Gadd i tha audiencës: “Dhjetë vjet më parë, unë isha i dëshpëruar”.
“Kurrë nuk e kam menduar se do ta ndryshoja jetën time për të mirë. Nuk kam menduar ndonjëherë se do të isha në gjendje të korrigjoja veten për atë që më ndodhi dhe të ngrihesha përsëri në këmbët e mia”.
“Dhe ja ku jam, pak më shumë se një dekadë më vonë, duke marrë një nga çmimet më të mëdha të shkrimit në televizion”.
“Nuk dua të tingëllojë arrogante. E kam fjalën si inkurajim për këdo që po kalon një kohë të vështirë tani për të duruar”.
Duke folur para ceremonisë, ai tha se i tha Emma Vardy të BBC-së se mediat në Mbretërinë e Bashkuar ishin fokusuar shumë në pasojat e shfaqjes.
I pyetur nëse do të kishte bërë ndonjë gjë ndryshe, ai u përgjigj: “Nuk mund t’i përgjigjem me të vërtetë tani, sepse nuk mund ta ndryshosh të kaluarën”.
“E kaluara ka ndodhur dhe shfaqja ka pasur një ndikim fenomenal te njerëzit. Mendoj se ka shumë, veçanërisht në shtypin e Mbretërisë së Bashkuar, ky fokus i jashtëzakonshëm në negativ”.
“Por nuk mund të injorosh ndikimin pozitiv që ka pasur “Baby Reindeer”. Ka qenë numër një në vende si Libani dhe Katari dhe vende ku nuk e kishe menduar kurrë se do të depërtonte. Ka pasur një ndikim ndërkulturor që shumë pak shfaqje kanë”, përfundoi ai. /Katror.info
Përgatiti:
