Një ekip ndërkombëtar shkencëtarësh ka njoftuar se një fosil i lashtë njerëzor i gjetur kohët e fundit në Kinë nuk i ngjason asnjë hominini tjetër të gjetur më parë.
Mbetjet nuk i ngjajnë degës që u nda nga Neandertalët, as me denisovët, e as me neve, gjë që tregon se versionit tonë aktual të pemës familjare njerëzore i mungon një degë tjetër, raportoi portali Syansalert.
Kockat e nofullës, kafkës dhe këmbës që i përkasin këtij homini ende të paklasifikuar, të quajtur HLD 6, u zbuluan në Hualongdong, Azinë Lindore në vitin 2019. Shkencëtarët nga Akademia Kineze e Shkencave (CAS) që atëherë janë përpjekur të përputhin mbetjet me një prej vijave të njohura.
Mundesh me e lexu edhe…
Fytyra e kësaj homini është e strukturuar në mënyrë të ngjashme me vijat e fytyrës së degës së njerëzve modern, e cila u nda nga Homo Erectus qysh 750,000 vjet më parë. Por mungesa e formës së mjekrës i ngjason më shumë si Denisoianëve, një specie e zhdukur e homininëve të lashtë në Azi që u nda nga Neandertalët më shumë se 400,000 vjet më parë.
Shkencëtarët e CAS, të cilët bashkëpunuan me shkencëtarë nga Universiteti Xi’an Jiaotong i Kinës, Universiteti i Jorkut në Mbretërinë e Bashkuar dhe Qendra Kombëtare Kërkimore për Evolucionin e Spanjës, besojnë se kanë zbuluar një linjë krejtësisht të re hibridesh midis degës që na dha njerëzit modernë dhe asaj që krijoi homininë të tjerë të lashtë në rajon, si Denisovianët.
Historikisht, shumë fosile hominine të Pleistocenit të gjetura në Kinë nuk përshtateshin lehtësisht me asnjë prejardhje të njohur. Si rezultat, mbetje të tilla shpesh shpjegohen si variacione të ndërmjetme në rrugën drejt njerëzimit modern, si një shembull arkaik i Homo sapiensit, për shembull, ose një formë e avancuar e Homo Erectus. Ky interpretim mjaft linear dhe i thjeshtuar është i diskutueshëm dhe nuk pranohet nga komuniteti më i gjerë shkencor.
Ndërsa Homo Erectus ekzistonte në Indonezi deri rreth 100,000 vjet më parë, mbetjet e gjetura së fundmi në Kinën lindore ngjajnë më shumë me linjat e tjera, më moderne të homininëve. Studimet e mëparshme të gjenomit të mbetjeve të Neandertalit në Evropë dhe Azinë Perëndimore gjetën prova për një degë të katërt homininëve që jetonte në mes të Pleistocenit të vonë.
Megjithatë, ky grup nuk është identifikuar kurrë zyrtarisht në të dhënat fosile. Ndoshta këto mbetje të gjetura në Kinë përfaqësojnë një pjesë të munguar të enigmës. Studimi u botua në Journal of Human Evolution. /Katror.info
Përgatiti:
