Shkencëtarët kanë zbuluar një pjesë të re të sistemit imunitar, një zhvillim që mund të hapë mundësi të reja për trajtime të personalizuara kundër infeksioneve.
Ky zbulim u bë gjatë hulumtimeve mbi proteasomin, një sistem që ndihmon në degradimin dhe riciklimin e proteinave në trup. Proteasomi është i pranishëm në çdo qelizë të trupit tonë, shkruan Positive News, transmeton Katror.info.
Pas analizës së proteasomëve, shkencëtarët zbuluan një “rezervuar të madh të papërdorur” agjentësh natyralë antimykrobikë, prodhimi i të cilëve rritet gjatë infeksioneve.
Mundesh me e lexu edhe…
Në një studim të botuar në revistën Nature, këta agjentë ose peptide u treguan efektivë në luftimin e baktereve të dëmshme kur u testuan në qeliza njerëzore dhe miu.
Ky zbulim ofron një mundësi të re për hulumtimin mjekësor, veçanërisht për trajtimin e infeksioneve dhe përballimin e rezistencës në rritje ndaj antibiotikëve.
“Kjo databazë peptideh hap mundësi të reja për zhvillimin e trajtimeve të personalizuara kundër infeksioneve dhe sëmundjeve të tjera,” tha Prof. Yifat Merbl, udhëheqësja e studimit nga Instituti Weizmann i Shkencës në Izrael. /Katror.info
Përgatiti:
