Njëri nga televizionet e Kosovës po bëhet gati t’i mbajë shikuesit afër ekranit të vet duke sjellë për herë të parë në Kosovë një nga formatet më gjigante të televizionit – “Big Brother VIP Kosova”.
Pas suksesit të Big Brother VIP në Shqipëri, Klan Kosova njoftoi në qershor 2022 se një version i famshëm kosovar i shfaqjes do të transmetohej në vjeshtë të vitit 2022, me fituesin që do të merrte një çmim në të holla prej 200,000 €.
Tashmë janë shpalosur pak e nga pak ekipi i këtij mega produksioni.
Mundesh me e lexu edhe…
Së fundmi u zbulua një nga befasitë e Vëllait të Madh! Ky format sjell risi një dyshe televizive në prezantim. Krah Alaudin Hamitit, është konfirmuar prezantuesja dhe aktorja Jonida Vokshi.
Tashmë është zbuluar edhe opinionisti zyrtar i edicionit të parë të “Big Brother VIP Kosova”.
Klan Kosova njofton ekskluzivisht se një nga karriget e panelit të opinionistëve është e rezervuar për një prej personazheve më të komentuara televizive, i njohur për përceptimet e tij unike dhe komentet pikante rreth botës rozë.
Bëhet fjalë për tekstshkruesin e blogerin e famshëm nga Shqipëria, Olti Curri – i cili, në këtë edicion të parë të “Big Brother VIP Kosova”, do të mbajë një pozitë me shumë peshë, siç është ajo e opinionistit të këtij formati televiziv.
Kjo zgjedhje vjen e natyrshme për një prej personazheve televizive më me eksperiencë në mediat shqipfolëse. Curri, pritet që përgjatë netëve “prime”, të analizojë dhe komentojë situatat që do të ndodhin brenda shtëpisë më të famshme në vend, sigurisht siç di vetëm ai që e thotë edhe vetë, “nuk flet kot”!
Kjo është vetëm një nga surprizat e radhës të “Big Brother VIP Kosova”, ndërsa edhe shumë të tjera priten të bëhen publike ditëve në vijim.
Përgatiti:
