Ministri i Financave, Punës dhe Transfereve, Hekuran Murati ka njoftuar se 2000 punëkërkues janë regjistruar në Super Puna.
“Që nga lansimi i platformës, mbi 2000 punëkërkues janë regjistruar dhe verifikuar në Super Puna”.
Platforma për punësimin e të rinjëve është lansuar nga ana e Qeverisë së Kosovës rreth dy javë më parë.
Mundesh me e lexu edhe…
Kujtojmë se Murati ka thënë se nëpërmjet kësaj platforme, Qeveria e Kosovës garanton punën e parë për të rinjtë prej moshës 18 deri në 25 vjet që të punësohen.
“Bizneset do të fitojnë mbështetje në gjetjen e fuqisë punëtore si dhe nuk do të kenë kosto për periudhën gjashtë mujorë gjatë së cilës mund të trajnojnë stafin e ri dhe në fund të kësaj, biznesi ka një staf të trajnuar që e njeh punën dhe ka shumë të lehtë të vendos për vazhdimin e marrdhënies së punës me atë person. Në anën tjetër, kjo mbështetje e Qeverisë do të iu ndihmojë të rinjve për një punësim afatgjatë ose të fitojë një punë tjetër tashmë më aftësitë e fituara gjatë kësaj periudhe gjashtë mujore”.
Platforma është e integruar edhe me institucionet tjera të vendit.
“Kjo platformë është integruar më ASHI-në dhe Regjistrin Civil në mënyrë që verifikimi i personave dhe vlerësimi i tyre të bëhet në mënyrë automatike dhe në kohë reale. Është bërë integrimi më ARBK-në, ku të dhënat biznesore dhe bizneset që aplikojnë të validohen në mënyrë automatike. Ka automatizim edhe me ATK-në për të verifikuar numrin e punëtorëve që kanë pagën mbi 264 euro”.
Po ashtu kjo mbështetje e Qeverisë do të iu mundësojnë të rinjve që të fitojnë një kontratë pune afatgjatë apo të punësohen dikun tjetër me aftësitë e fituara gjatë kësaj periudhe.
Tutje, thuhet se iniciativë është vendore kurse është mbështetur nga Ambasada Zvicerane në Kosovë./Katror.info
Përgatiti:
