Ndoshta ke qëndruar jashtë shumë vonë, ke pas punë ose ke menduar “të shoh dhe një episod tjetër”. Apo thjesht ke provu me flejt, por pa rezultat.
Pa marrë parasysh arsyen/t, një natë pa gjumë të rehatshëm mund ta bëjë ditën tjetër të duket më e vështirë se kurrë. Fiona Barwick, PhD, eksperte e gjumit, tregon saktësisht se çfarë të bëni kur nuk keni fjetur mjaftueshëm natën e kaluar.
- Rezisto dëshirën për të fjetur deri vonë në mëngjes
Të kompensosh natën pa gjumë duke e shtyrë alarmin disa orë mbrapa mund të duket si një ide vërtet e mirë në moment, por gjumi – më shumë se një orë pas kohës së zakonshme të zgjimit – prish ciklin tuaj gjumë-zgjim.
“Ritmet e gjumit janë ritme biologjike që luhaten gjatë ditës 24-orëshe dhe që rregullojnë pjesën më të madhe të fiziologjisë dhe sjelljes sonë, duke përfshirë kur ndihemi të përgjumur ose vigjilent. Zgjimi në të njëjtin orar çdo mëngjes është një nga mënyrat më të mira që ky ritëm të jetë në rrugën e duhur,” thotë Dr. Barwick.
- Përfito nga rrezet e diellit, shëtitjet e shkurtra dhe (ndoshta) dremitjet
Vështrimi nga dielli, sapo të hapni sytë, mund të ndihmojë që truri juaj të mos ndihet sikur është ende nën çarçafë ndërsa lëvizni gjatë ditës. Nëse mund të bëni një ecje të shkurër nën dritën e lehtë të diellit, akoma më mirë.
Dremitja pasdite gjithashtu mund t’ju japë një nxitje energjie, por vetëm nëse është e kufizuar në 15 deri në 30 minuta dhe jo më shumë. Nëse e dini se dremitja vetëm sa ju përgjum më shumë, vazhdoni me shëtitjen ose me një tjetër aktivitet fizik.
- Mundohuni të shkoni në shtrat pak më herët natën tjetër – dhe ndoshta edhe natën pas
Mungesa kronike e pushimit është e lidhur me një sërë çështjesh shëndetësore, kështu që është e rëndësishme të mbroni dhe t’i jepni përparësi gjumit natën tjetër, ndoshta edhe duke shkuar në shtrat pak më herët se zakonisht për të kapur pak nga gjumi që keni humbur një natë më parë.
Përgatiti:
