Sado që fëmijët prapë ma tepër i preferojnë frutat sesa perimet, prapë shumë prindër bijnë n’gazep me i bind fëmijët me i konsumu ato. Për qata 3 ide interesante që i shtijnë fëmijët me hangër fruta ma shumë, pjatat me zogj prej frutave, apo edhe 3 pjatat me drunj prej frutave janë tregu metoda efektive për me i nxitë vocërrakët me i fshi pjatat.
Kësaj radhe kemi vendosë me t’furnizu me ide se çka me ju përgatitë vocërrakëve për mëngjes, pa u mundu fort. E shembujt janë aq t’thjeshtë, por janë 4 rekomandime që sigurtë i hajnë picimulët.
1. Petulla amerikane dhe fruta
Petullat amerikane, apo ndryshe t’njohuna si “Pancakes” janë nji ndër ushqimet e preferume kudo nëpër botë. T’shoqnume me çkado t’ambël, ato kanë arritë me e ba mëngjesin nji vakt n’t’cilin “ambëlsina” asht e justifikushme për konsum. E ti, e ke rastin me e mësu recetën autentike amerikane t’petullave amerikane n’3 hapa t’thjeshtë e me ja servu fëmijëve me 1 gotë qumësht, do dredhëza e pak mjaltë. Poashtu, po pate kohë e nerva, mundesh me ua përgatitë figurat prej petullave e me ua servu.
2. Omlet me djathë t’shkrirë + tost me reçel
Pëegatite omletin klasik e shtoji sipër pak kashkavall t’shkrirë. Preji do tomatina ose kastraveca e bashkangjitja pjatës bashk me 1 rriskë buke t’lyme me reçel dredhëze. Mos e harro as gotën me qumësht që me ja forcu eshnat picimulit/es tand/e.
Mundesh me e lexu edhe...
3. Pjatë gjize me keksa t’njelmët dhe smoothie me dredhëza
Kjo pjatë asht ideale nëse nuk ke kohë me përgatitë diçka, ose nëse e ke fëmijun kajdegji n’ushqim. Merr pak keksa t’njelmët, pak gjizë t’përzime me kripë e jogurt e servoja n’nji pjatë bashk me njanën prej 3 smoothie-ve me dredhëza. Kësisoji ban zgjidhje praktike edhe për veten, por edhe nuk e len fëmijun pa u ushqy mirë e pa marrë vitamina.
4. Pjatë jogurti me boronica dhe muesli
Pjatat me jogurt e fruta janë nji prej pjatave që vërtetë shijojnë, nuk kanë najfarë filozofie e besa shpesh ngjajnë n’desert. Poashtu, këto pjata janë lehtë me u përshtatë e me u ndryshu varësisht prej shijes, por edhe harxhit që e ke n’dispozicion. N’sygjerimin tonë kemi pjatë jogurti me muesli e boronica e pak mjaltë – tamam lehtë dhe pa komplikime. E ti besa mundesh edhe me përgatitë vet miksin tand t’muesli-ve pa harxhu shumë.
E masi veç jemi tek ushqimet e mira e t’shnetshme, sikur qysh je ka ja ban qejfin ma t’vegjëlve, mos e le pa ja ba edhe vehtës. Provoje pjatën me gjizë, mollë dhe arra, apo pjatën me gjizë dhe boronica. Ne po ashtu ta rekomandojmë edhe Parfait-in me fruta mali – desertin e shëndetshëm t’cilin mundesh me marrë me vehte n’punë edhe nuk t’merr kohë ma shumë se 2 minuta. Shijo! /katror.info/
Përgatiti:
