Kanga e radhës është nji mesazh paqeje nga i pa përsëritshmi John Lennon, e që titullohet “Imagine”.
Ndonëse e shkruar dhe e publikuar 50 vite më parë, kanga ende qëndron si një nga kangët ma të ribëra cover ndonjëherë dhe po e njëjta vazhdon të mbetet simbol i kërkimit të paqes në botë.
- Kanga u lansu në vitin 1971 dhe vjen nga albumi me po t’njëjtin emër, e që ky album e betonoi emrin e John Lennon-it së një ndër gjenitë në shkrimin e këngëve si solo këngëtar, menjëherë pas shpërbërjes së The Beatles në vitin 1970.
E a thu çka e frymëzoi që të realizohet kjo kángë?
- Për ta shkru “Imagine”, Lennon u frymëzu prej poezive të librit të gruas tij, Yoko Ono, të vitit 1964, “Grapefruit”. Ehh, çka bënë dashuria…
Lennon pastaj pas disa vitesh shpjegoi se kánga “duhet t’vlerësohet si kangë e përbashkët e Lennon dhe Ono. Pothuajse pjesa më e madhe – si teksti dhe koncepti – buruan nga Yoko, por ato kohë isha pak më egoist e më maço, dhe paksa ia mohova kontributin asaj, por kanga erdhi pikërisht nga Grapefruit”.
- E ca frymëzim e kishte gjetë po ashtu prej një libri lutjesh t’krishtera, që ia kish dhuruar Dick Gregory, e që në një verse t’këtij libri kish zënë fill konceptin kryesor i kangës.
Më 14 qershor të vitit 2017, Shoqata Kombëtare e Botuesve të Muzikës njoftoi se do ta njihte Yoko Ono si autore e tekstit të kangës “Imagine”, shkruan Smoothradio.
- Lennon kangën e kompozoi në një mëngjes në fillim të vitit 1971, tingujt e cilës morën formë në një piano “Steinway”, n’dhomën e gjumit n’shtëpinë e tij në Tittenhurst Park në Ascot.
Yoko Ono ishte e pranishme gjatë kompozimit t’melodisë, akordeve dhe pjesës më të madhe të tekstit dhe pothuajse t’gjithë kangën Lennon e punoi në një seancë të shkurtër shkrimi.
Kanga u incizua më 27 maj të vitit 1971 në Ascot Sound Studios, e cila ishte studio e re në shtëpi e Lennons në Tittenhurst Park.
Në incizimin përfundimtar Lennon u paraqit në piano dhe vokal, Klaus Voormann në bass kitarë, Alan White në daulle dhe Flux Fiddlers në tela t’kitarës.
Suksesi nuk mungoi.
N’vitin 1971, kapi numrin 1 në Kanada dhe numrin 3 në ShBA. Megjithatë nuk u publikua si single në Mbretërinë e Bashkuar deri në vitin 1975, ku arriti në numrin 6.
- Pas vrasjes së Lennon-it në vitin 1980, kënga u rikthye në top lista, në Mbretërinë e Bashkuar, ku mbeti numër 1 për katër javë në janar 1981.
- Deri më sot, janë shitur mbi 1,640,000 kopje në Mbretërinë e Bashkuar, duke e bërë atë këngën më të shitur të Lennon si solo artist.
Kanga është bërë cover nga shumë artistë e bende t’mirënjohura si: Elton John, Queen, David Bowie, Stevie Wonder e Neil Young.
Shihemi nesër e vazhdo përço sa ma shumë paqe dhe pozitivitet t’u e shpërnda kët’ kangë./Katror.info
Përgatiti:
