Disa njerëz i bashkon meraku për pije dhe me shumë t’drejtë, sepse, pija n’shumë raste na lidhë me kohë t’mira, qejf, muzikë e me njerëzit ma t’dashtun e t’afërt t’tanë. E neve po na duket që edhe ty e neve ky artikull na bashkoi pikërisht për t’njejëtën arsye. Megjithatë, njeriu çdoherë asht mirë me ditë për pasionet e vehta e me u informu mirë e drejtë për to. Këtë mundet me e ba t’u i mësu 7 faktet interesante për meraklitë e alkoolit, 7 faktet interesante për meraklitë e birrave, 5 fakteve ma interesante dedikuar meraklive t’verërave, apo edhe t’u marrë këshilla prej t’tjerëve, si n’rastin tonë.
Prej përvojës tonë me pije, e që jo gjithmonë ka qenë e kandshme t’nesërmen – qe disa këshilla t’cilat asht mirë me i marrë parasyshë kur pin. Edhe dije që këto këshilla janë super-qëllim-mira.
1. Pi me masë
Nuk ke nevojë me pi pa kontrollë. Alkooli asht për me ba qejf e me ja ndreç vehtës e tjerëve nejën, por duhet me pasë kujdes se sa alkool po konsumon. Kështu, n’vend se me humbë kontrollin mbi sjelljet e tua e me rreziku mos me mbajtë n’mend kurgja t’nesërmen, ma mirë tregohu i/e përgjegjshëm/e. Mjafton që t’nesërmen mos me e u gajlu se çka ke zezu nji natë ma përpara.
Mundesh me e lexu edhe…
2. Kurrë mos përzijë alkool
Kushdo që pin moti, me shumë gjasë e ka kalu atë fazën ku i ka përzi pijet alkoolike; e ka nisë me verë, ka vazhdu me birrë, mbas disa gotave veç kur e ka pa naj tekillë a naj B52-sh t’u ju sillë nëpër dur’ e kështu me radhë. Edhe anipse mundesh me u qejfleisë për qejfi, këso “meshavina” t’nesërmen kanë me t’kushtu me nji ditë t’çume posht prej kokëdhembjes, thartinës n’lukth, vjelljes, marramendjes, plogështisë e t’tana t’zezave. Andaj MOS! Tento me shtre nejën me nji lloj t’alkoolit e qëndroji besnik/e përzgjedhjes, apo t’paktën nëse kalon n’llojin e dytë t’pijes – mos vazhdo tutje.
3. Mos pi alkool n’bark t’thatë
Ky rregull vlenë përherë e ma tepër, sidomos nèse i ke ba do vjet e lukthi veç që s’ka gojë me bërtitë “Boll m’ke malltretu, trajtom pak ma mirë bre dreqi ta hajë!”. E ti asht mirë me na ndëgju e me hangër diçka para se me dal. Edhe ma ideale asht nëse pijen e shoqnon me ndonji ushqim a meze përgjatë tanë kohës. Kështu, e runë lukthin e mëlqinë, e rrjedhimisht i jep mundësi vehtes me pi ma gjatë n’t’ardhmen. E nëse po gostitë mysafir n’shtëpi, provo përgatite njanën prej 4 rollatave t’ftohta t’cilat shkojnë flakë për meze.
4. Nëse po del me pi, leje kerrin n’shtëpi
Mos u bo prej atyne njerëzve që dalin me pi e e marrin kerrin me vehte. As nuk ke nevoje me e kufizu vehtën mos me ba qejf sepse ke me vozitë, e as nuk ke nevojë me e pru punën me rreziku vehtën, tjerët n’nji aksident t’mundshëm, plus me hangër denimin sa krytë. Ma mirë hypi taksit për me u kthy n’shpi sigurtë, pa asnji gërrithë e pa ves, apo ec’ pak me shoqni – kthjellesh rruges pak.
5. Mos u bo prej atyne që porosisin koktell pa akull
Veç mos! Akulli asht aty për nji arsye: me ta mbajtë pijen t’ftohtë e me ja rujtë shijen. E edhepse shumëkush mendon se pa akull koktelli mundet me përmbajtë ma shumë alkool, e kanë gabim. Plus, dije që shankisti/barmeni veç çka mundet me t’shërby ma dobët e me i rrotullu sytë po erdhe me këtë kërkesë qesharake. Nëse veç don pije n’temperaturë dhome, porosit verë.
6. Mos pi nëse je keq
Nëse je pa disponim, je nervoz apo mërzitshëm, ma mirë e ke mos me pi. Pija nuk asht mënyrë e mirë për me e largu mendjen prej problemeve e as nuk zgjidhë probleme. Andaj, lejoje vehtën me pi veç kur nime je mirë emocionalisht dhe krijo hapësirë veç për përjetime t’mira n’shoqninë e alkoolit.
7. Mos e shti kërkand me t’ba shoqni me zor
Secili i ka arsyet e veta pse pin ose nuk pin alkool, qoftë përgjithësisht, apo për raste t’caktume. Nuk ke nevoje askand me e lute me t’ba shoqni, e as me u bo i/e bezdisshëm/me t’u i bo presion dikujt me t’shoqnu. E ky rregull vlenë edhe anasjelltas; kur s’je për me pi, mos pi për hatër.
Si merakliu meraklisë, këto këshilla merri seriozisht. Ne që po flasim e po shkrujmë, nuk jemi ka ja fusim kot, por i kemi bajagi disa vite përvojë n’këtë sport, që me raste mundemi me e qujtë edhe ekstrem.
E tash, nxjerre birrën, verën a çkado që je ka pin, e çoje nji gëllankë për qejfi. Ndërsa nëse ke merak n’koktella, mos e le pa e provu me përgatitë Vodka Pineapple-in tonë t’cilin mundesh me e ba n’shtëpi. Gëzuar! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
