Dr. Dre nderohet me yll në bulevardin e famës në Hollywood

Reperi i njohur amerikan, Dr.Dre, është nderuar me yll në bulevardin e famës në Hollywood. Ai në këtë ceremoni shkoi i shoqëruar nga legjendat e repit, shokët e tij – Eminem, Snoop Dogg e 50 Cent.

Dre, të martën, zyrtarisht ka marrë yllin e 2775-të në bulevardin e famës në Hollywood. Ikona e produksionit u ngjit në podium për t’ju drejtuar të pranishmëve me një fjalim rasti.

“Isha me fat që jetoja duke bërë punën që dua. A nuk është kjo një ëndërr? Përgjatë karrierës time, kam pasur nderin të gjej e të edukoj talent të rinj si dhe të shtyj kufijtë në fushën e hip-hopit përmes përmbajtjes së materialeve”, ka thënë Dre.

WARNING: GRAPHIC CONTENT
It was ‘Nothing But A ‘G’ Thang” on Hollywood Boulevard where iconic Hip-Hop producer Andre Young, better known as Dr. Dre, was presented with his Hollywood star on the famous Walk of Fame pic.twitter.com/63BtuBU6OJ

— Reuters (@Reuters) March 20, 2024

Ylli ka shtuar se ndihet krenar që ka ndikuar në mënyrën se si u përjetua hip-hopi ndër vite. Ai ka thënë se e vlerëson shumë se si Hollywoodi i shpërblen artistët për punën që bëjnë. Ka thënë po ashtu se kjo u mundëson fansave të ndihen më afër artistëve të preferuar, përcjell koha.

“Do të jem këtu përgjithmonë”, ka deklaruar producenti.

Dr. Dre themeloi grupin N.W.A. dhe pastaj lansoi albumin “The Chronic” në vitin 1992, i cili arriti të rangohej i treti në top 200-shen e Billboardit.

Pastaj ai la grupin N.W.A. dhe shkoi për të krijuar hite në kompaninë Death Row Records, ku bashkëpunoi me legjenda të zhanrit muzikor rap, si Snoop Dogg e 2Pac. Më mbështetjen e njërit nga themeluesit e kompanisë diskografike “Intercope”, Jimmy Iovine, Dre themeloi kompaninë “Aftermath Entertainment” në 1996, e cila zbuloi talente si reperët Eminem dhe 50Cent.

Dre fitoi vendin e parë në toplistat e Billboardit, në vitin 1995 me kënën “California Love” të cilën e kishte bërë në bashkëpunim me reperin e mirënjohur 2Pac.

Të tjera hite që ai bëri e që u ranguan numër 1 janë: kënga “In Da Club”, që e bëri për reperin 50Cent, kënga “Family Affaiir” për artisten Mary J.Blige dhe “Crack A Bottle” që e bëri për Eminemin.

Billboard e ka shpalur Dr. Dren si producenti më i mirë i të gjitha kohërave./Katror.info