Sonte, në skenën e Teatrit të Gjilanit, publikut do t’i prezantohet shfaqja teatrale “JAM UNË AJO”, e krijuar nga Valmira Thaqi dhe Dituri Neziraj, me regji nga Erson Zymberi, shkruan Katror.info.
Në rolet kryesore paraqiten aktoret Tringa Hasani dhe Semira Latifi, të cilat mishërojnë personazhet Dija dhe Vesa – dy gra, dy zëra, dhe një histori që rrëfen më shumë sesa fjalët mund të shprehin.
Shfaqja fillimisht duket si një rrëfim intim midis dy grave, por zhvillohet në një udhëtim të thellë emocional që përshkon ndjeshmërinë, vetminë dhe sfidat që shpeshherë fshihen pas përditshmërisë së një gruaje, veçanërisht pas lindjes.
Mundesh me e lexu edhe…
Përmes interpretimit të ndjerë dhe skenarit të fuqishëm, “JAM UNË AJO” shtron pyetje të rëndësishme: çfarë ndodh me një grua kur heshtja bëhet më e fortë se gëzimi i pritshëm dhe si duket jeta përtej rolit të nënës, përtej pritshmërive shoqërore që shpesh e lënë individin pa zë./Katror.info
Përgatiti:
