George dhe Amal Clooney janë shembulli i një çifti të qetë dhe të harmonizuar. Dy vite më parë, ata zbuluan në emisionin “CBS Mornings” se nuk zihen kurrë dhe kjo duket se vazhdon të jetë e vërtetë, shkruan CNN, transmeton Katror.info.
Këtë javë, George Clooney u rikthye në emision për të promovuar debutimin e tij në Broadway me shfaqjen “Good Night, and Good Luck”.
Gjatë intervistës, ai u pyet edhe për marrëdhënien e tij me Amal dhe si arrijnë të kenë një raport kaq të mirë.
Mundesh me e lexu edhe…
“Ende nuk kemi pasur ndonjë zënkë,” tha Clooney. “Jemi ende duke kërkuar ndonjë arsye për t’u grindur”, shtoi ai.
Dikur një nga beqarët më të lakmuar të Hollivudit, George Clooney e ndryshoi këtë status në vitin 2014, kur u martua në Venecia me avokaten e njohur ndërkombëtare për të drejtat e njeriut, Amal.
Tre vite pas martesës, George dhe Amal Clooney mirëpritën në jetë binjakët e tyre, Ella dhe Alexander.
Gjatë një interviste të dhënë të hënën në mëngjes, George foli me shumë admirim për bashkëshorten e tij.
“E ndjej veten jashtëzakonisht me fat që kam takuar një grua kaq të jashtëzakonshme,” tha ai.
“Është sikur të kisha fituar lotarinë. Nuk kalon asnjë ditë pa menduar se jam njeriu më me fat në botë”, theksoi ai./Katror.info
Përgatiti:
