“The Rolling Stones” po përgatiten për të përformuar në Festivalin Jazz & Heritage në New Orleans 2024, shkruan AP.
Festivali, i cili do të zgjasë dy fundjava, do të hapet të enjten me dhjetëra performanca që do të luhen çdo ditë në 14 skena.
“The Rolling Stones” do të performojnë të enjten e ardhshme, më 2 maj, biletat për të cilat janë shitur prej kohësh.
Mundesh me e lexu edhe…
Në vitin 2019, organizatorët e festivalit planifikuan një koncert të grupit legjendar të rock-ut, ai u anulua pasi lideri kryesor Mick Jagger kreu një operacion në zemër, përcjell ATSH.
Ata u përpoqën te mblidheshin përsëri në 2021, por pas një rritjeje të rasteve me COVID-19 çoi në anulimin e festivalit. “Do të jetë i veçantë”, tha producenti i festivalit Quint Davis.
Kjo do të jetë hera e parë që “The Rolling Stones” luajnë ne nje festival Jazz. Në hapje të koncerteve do të performojnë grupet rock “Widespread Panic” dhe “The Beach Boys”, artisti i reggae, Stephen Marley vokalistin e Jazz-it, John Boutte.
“The Rolling Stones” në tetor publikuan “Hackney Diamonds”, albumin e tyre të parë me materiale origjinale që nga viti 2005 dhe i pari pa bateristin Charlie Watts, i cili vdiq në vitin 2021.
Producenti Davis tha se fansat presin të dëgjojnë një ndërthurje të hiteve më të mëdha dhe publikimeve të reja./Katror.info
Përgatiti:
