Me datat 2 dhe 3 qershor 2025, në kryeqytetin e Kosovës do të zhvillohet edicioni i tretë i Forumit për Gratë, Paqen dhe Sigurinë, një ngjarje e rëndësishme ndërkombëtare e organizuar me nismën e Presidentes Vjosa Osmani-Sadriu.
Për garantimin e rendit publik dhe mbarëvajtjen e këtij forumi, Policia e Kosovës ka bërë të ditur se do të zbatojë masa të posaçme sigurie dhe do të menaxhojë trafikun gjatë qëndrimit dhe lëvizjes së pjesëmarrësve dhe delegacioneve ndërkombëtare, raporton Katror.info.
Si pjesë e këtyre masave, do të ketë ndërprerje të përkohshme të qarkullimit në disa segmente rrugore, sidomos në zonat përreth objekteve ku zhvillohen aktivitetet kryesore të forumit. Ndërprerjet do të jenë të shkurtra dhe të koordinuara, ndërsa trafiku do të ridrejtohet në rrugë alternative.
Mundesh me e lexu edhe…
Policia kërkon mirëkuptim dhe bashkëpunim nga qytetarët dhe pjesëmarrësit në komunikacion, me qëllim të sigurimit të një zhvillimi të qetë dhe të sigurt të forumit./Katror.info
