A të ka ndodhur ndonjëherë të shikosh një serial apo film, dhe pastaj një personazh thotë diçka aq të pakuptueshme sa të duhet me nxitim të kthehesh pas?
Kjo përvojë nuk është e pazakontë, shkruan Katror.info.
Një sondazh i YouTube tregon se 57% e të anketuarve nuk mund të kuptojnë dialogun pa përdorur titra dhe vetëm 12% nuk përdorin fare.
Mundesh me e lexu edhe…
Sipas një studimi të BBC, katër nga pesë shikues nga mosha 18-25 vjeç përdorin titra gjithë kohës ose pjesërisht, ndërkaq më pak se një e katërta e personave 56 deri në 75 vjeç e bëjnë këtë, edhe pse kanë më shumë probleme me dëgjim.
Por… a po shurdhohemi të gjithë? Ja pse na duket sikur nuk dëgjojmë më asgjë:
Filmat dhe serialet moderne shpesh i japin përparësi basit të thellë, muzikës në sfond, shpërthimeve, më shumë sesa dialogut.
Mikrofonët dikur ishin të mëdhenj, të rëndë, të ndjeshëm dhe kërkonin zgjidhje kreative për t’u fshehur. Ishin me tela dhe regjistronin në memorie fizike si dylli dhe më pas në kasetë.
Pavarësisht se sa aktorë kishte në një skenë, i gjithë zëri regjistrohej në një pistë të vetme. Aktorët duhej të ishin shumë të përqendruar të artikulonin qartë dhe të qëndronin në një kënd të caktuar për tu siguruar që fjalët e tyre të kapeshin nga mikrofoni. Përndryshe, nuk dëgjohej asgjë.
Për mirë apo për keq, teknologjia është përmirësuar aq shumë sot dhe me mikrofonët ‘wireless’ aktorët po japin performanca më të buta dhe më të qeta, me të folur me tërheqje zëri dhe pëshpëritje.
Ironia kryesore këtu është se kuptueshmëria e dialogut në filma dhe seriale duket se është përkeqësuar pikërisht si pasojë e përmirësimit të teknologjisë së regjistrimit dhe montimit të zërit.
Pastaj, kemi avancimin e televizorëve. Ndryshe nga televizorët e vjetër gjigantë me shumë hapësirë për altoparlantë, televizorët e sotëm janë jashtëzakonisht të hollë. Edhe pse prodhojnë të njëjtin zë, tingëllon më keq për shkak të altoparlantëve shumë të vegjël, të cilët zakonisht vendosen në pjesën e pasme të televizorit, larg nesh.
Dhe kur shikojmë diçka në telefon apo laptop, nuk është aspak më mirë.
Kur i kombinon të gjitha këto, s’është çudi që kemi vështirësi të kuptojmë çfarë po ndodh.
Një ditë i aktivizon titrat — dhe më nuk kthehesh mbrapa!/Katror.info
