Këngëtari dhe kantautori i njohur shqiptar, Armend Rexhepagiqi, ka publikuar albumin e tij më të ri, i cili përmban 7 këngë të reja, të gjitha të shoqëruara me videoklipe, shkruan Katror.info.
Albumi është tashmë i qasshëm në platformën YouTube.
Muzika e albumit është realizuar nga Aida Baraku dhe Armend Rexhepagiqi, ndërsa tekstet janë shkruar nga Aida Baraku. Për orkestrimin, incizimin, miksimin dhe masterizimin është përkujdesur producenti i njohur Darko Dimitrov në studion “Dimitrovi”.
Mundesh me e lexu edhe…
Në këtë projekt janë përfshirë edhe bashkëpunëtorë të tjerë të njohur, si Ardit Ibrahimi në klarinetë, i incizuar në studion “DuoBass Records”, Adelina Thaçi me pjesëmarrje vokale dhe Astrit Stafaj në buzuki, gjithashtu i incizuar në të njëjtën studio.
Ky album përfaqëson një bashkim të muzikës moderne me elemente tradicionale, duke sjellë emocione të thella dhe një tingull të pasur që karakterizon stilin unik të Rexhepagiqit. Gjithashtu ky është një rikthim i shumëpritur i Armend Rexhepagiqit në skenën muzikore kosovare, duke sjellë krijime me vlerë artistike dhe kulturore që do të mbeten në kujtesën e dashamirësve të muzikës shqiptare./Katror.info
