Një këngëtare shqiptare mund të bëhet për herë të parë protagoniste e shfaqjes së pushimit të SuperBowl. Sipas mediave ndërkombëtare, Dua Lipa është ndër kandidatët kryesorë për të performuar në një nga shfaqjet më të mëdha dhe të rëndësishme muzikore në botë, ku kanë kënduar ikonat më të njohura të muzikës.
Sipas “BILD”, për këtë edicion të 60-të të SuperBowl, që mbahet më 8 shkurt 2026 në “Levi’s Stadium” në Santa Klara, Kaliforni, pritet të performojnë një treshe këngëtaresh: Dua Lipa, Sabrina Carpenter dhe Çapëll Roan, raporton Katror.info.
Në javët e fundit, janë zhvilluar bisedime intensive për këtë bashkëpunim, dhe kjo treshe konsiderohet si një nga opsionet kryesore për shfaqjen e pushimit. Megjithatë, kompania “Roc Nation” dhe sponsori “Apple Music”, që organizojnë këtë ngjarje, janë duke diskutuar edhe me artistë të tjerë.
Mundesh me e lexu edhe…
Për Dua Lipën, kjo do të ishte shfaqja e saj e dytë në një ngjarje të madhe sportive, pas performancës në finalen e Ligës së Kampioneve në vitin 2018. Por shfaqja në pushimin e SuperBowl konsiderohet një nga momentet kulmore në karrierën e një artisti./Katror.info
