Një foshnjë e lindur në Ohio nga një embrion që ishte ngrirë mbi 30 vjet më parë, raportohet se ka vendosur rekord të ri botëror, transmeton “BBC” / Koha.net.
Çifti Lindsey (35) dhe Tim Pierce (34) e kanë mirëpritur djalin, Thaddeus Daniel Pierce, të shtunën. Lindsey i tha “MIT Technology Review” se familja e saj mendon se është “diçka si nga një film sci-fi”.
Besohet se është embrioni më gjatë i ngrirë që ka rezultuar në një lindje të suksesshme. Rekordi i kaluar ishte mbajtur nga binjakët që lindën në vitin 2022 nga embrionet e ngrira në vitin 1992.
Piercët kishin tentuar të bëhen me fëmijë për shtatë vjet, para se të vendosnin ta adoptonin embrionin e Linda Archerd (62), të bërë me bashkëshortin e saj të atëhershëm në vitin 1994 nëpërmjet metodës IVF.
Mundesh me e lexu edhe…
Në atë kohë, Archerd i kishte krijuar katër embrione. Një nga i cili lindi vajza e saj tash 30-vjeçare, ndërsa tre të tjerë i la të ngrirë.
Ndonëse u divorcua me bashkëshortin, ajo vendosi që të mos i shkatërronte embrionet, por t’i dhuronte për hulumtim apo për adoptim te ndonjë familjeje në mënyrë anonime.
Ajo tha se është me rëndësi që të ishte e përfshirë me foshnjën.
Archerd pagoi mijëra dollarë në vit për ruajtjen e embrionëve, derisa e gjeti një agjenci adoptimi me emrin “Nightlight Christian Adoptions”, e cila e drejton një program të njohur si “Snowflakes”.
Shumë prej këtyre agjencive konsiderojnë se duke i adoptuar embrionët po shpëtojnë jetë.
Programi i përdorur nga Archerd u lejon donatorëve ta zgjedhin një çift, që do të thotë se ata mund t’i tregojnë preferencat fetare, racore dhe kombëtare.
Archerd i kishte treguar preferencat e saj, ndërsa tha se çifti duhet të jetë në SHBA.
Ajo u pajtua me çiftin Pierce.
Klinika e IVF-së në Tennessee, në të cilën çifti iu nënshtrua procedurës, Rejoice Fertility, tha se qëllimi ishte ta transferonte çdo embrion që merrte, pavarësisht moshës apo kushteve.
Lindsey Pierce tha se ajo dhe burri i saj nuk e kishin ndërmend ta thyenin ndonjë rekord, thjesht donin të “kishin një fëmijë”.
Archerd tha se nuk e ka takuar ende foshnjën personalisht, por tashmë mund të shihte ngjashmëri me vajzën e saj. /Katror.info
Përgatiti:
