Niigata, prefektura bregdetare e mbuluar nga dëbora në Japoni, është e njohur për saken (pije tradicionale japoneze alkoolike) dhe traditat shekullore të prodhimit të saj. Aty udhëtarët mund të shijojnë mostra në stacion, të hipin në një tren retro të dedikuar sakes dhe të takojnë pionierë që po formësojnë të ardhmen e këtij pijeje.
Udhëtimi fillon në Ponshukan – muze dhe dyqan sake me një bar vetëshërbimi që ofron mbi 100 varietete rajonale. Vizitorët blejnë një filxhan të vogël qeramike dhe përdorin makina që shpërndajnë sake.
Profesor Ryoji Ito nga Universiteti i Niigatës shpjegon historinë e birrarive më të vjetra, duke theksuar se rajoni është shtëpia e mbi 80 fabrikave dhe konsumon më shumë sake për frymë se çdo zonë tjetër e Japonisë.
Mundesh me e lexu edhe…
Ai prezanton edhe risitë: aplikacione si Sake AI që zgjedhin shijen sipas preferencës së përdoruesit dhe projekte të qëndrueshme që përdorin mbetjet e orizit për të krijuar materiale të riciklueshme.
Kryefjala e përvojës është Shu*Kura, treni i sakes. Me tre itinerare që përshkojnë male, fusha orizi dhe brigje, ky tren retro i viteve ’70 është përshtatur me një bar lëvizës sake, dritare panoramike dhe ambiente mikpritëse prej druri.
Udhëtimi prej 2.5 orësh mes Tokamachit dhe Joetsu-Myoko shoqërohet nga muzikë jazz, gota që mbushen e derdhen me bujari në kupat prej druri dhe ndalesa të planifikuara në perëndim të diellit për foto të paharrueshme.
Në Tokamachi, ndër tarraca orizi të mbuluara nga bora, autorët takojnë Tomomi Duquette, themeluesen e parë femër të një fabrike sake në Japoni. Ajo shpjegon rolin jetik të ujit të butë që vjen nga shkrirja e borës dhe i udhëzon vizitorët në procesin tradicional të fermentimit.
Duquette, e vlerësuar me titullin Mrs Sake Japan 2024, prodhon një pije që tashmë shërbehet në restorante me yll Michelin, duke ndërthurur traditën me vizionin bashkëkohor.
Me trenin shpejtësor që largohet nga Niigata, mbetet reflektimi mbi një përvojë unike: një vend ku mund të shërbesh vetë sakë në stacion, të udhëtosh mes peizazheve të lashta dhe të fermentosh pijen tënde artizanale për një ditë.
Niigata nuk është vetëm kryeqyteti botëror i sakës, por është një histori e gjallë mikpritjeje dhe inovacioni./AP/Katror.info
