Ministria e Financave, Punës dhe Transfereve (MFPT) ka hapur thirrjen publike për organizatat joqeveritare që veprojnë në mbështetje të familjeve të cenueshme, për të aplikuar për mbështetje financiare që do të përdoret për ofrimin e pakove ushqimore për familjet në nevojë.
Kjo nismë është pjesë e angazhimit të vazhdueshëm të ministrisë për përkrahjen e kategorive më të ndjeshme të shoqërisë dhe synon të lehtësojë gjendjen ekonomike të tyre përmes shpërndarjes së ushqimeve bazë.
OJQ-të që dëshirojnë të aplikojnë duhet të jenë të regjistruara në Republikën e Kosovës dhe të dëshmojnë veprimtarinë e tyre në mbështetje të kategorive të cenueshme. Aplikimi kërkon bashkëngjitjen e dokumenteve si:
Mundesh me e lexu edhe…
- Certifikata e regjistrimit të organizatës;
- Dëshmi mbi veprimtarinë në fushën e mbështetjes sociale;
- Plani i aktiviteteve me përfshirjen e kapaciteteve shërbyese;
- Numri i familjeve potenciale përfituese;
- Kostoja totale e pakove ushqimore (deri në 50 euro për pako);
- Lista e produkteve që përmban pakoja, ku së paku 70% e produkteve duhet të jenë vendore.
Aplikimet mund të dërgohen në adresën zyrtare të MFPT-së [email protected] deri më 7 nëntor 2025.
/Katror.info
