Warren Buffet nuk ka investuar kurrë në asnjë aksion teknologjik derisa bleu 10 milionë aksione të Apple në vitin 2016.
Deri në fund të vitit të kaluar, kompania e Buffett, Berkshire Hathaway, zotëronte 905 milionë aksione në Apple që vlerësoheshin me 173.8 miliardë dollarë.
Ai reduktoi aksionet në fillim të këtij viti në 789 milionë.
Ndërsa së fundmi ai e ka shitur edhe një pjesë të madhe të aksioneve, duke i ulur nato në 400 milionë me vlerë rreth 88 miliardë dollarë.
Pra, investitori afatgjatë tani zotëron 2.3% të gjigantit të teknologjisë, shkruajnë mediat e huaja, përcjell Telegrafi.
Çfarë ishte ajo që i ra në sy Buffet tek Apple? Ishte iPhone.
Ai shpjegoi disa vite më parë se ndërsa ishte Steve Jobs ai që shpiku pajisjen, ai i jep kredi Tim Cook për menaxhimin e atij produkti dhe kthimin e kompanisë në një nga kompanitë më të vlefshme në botë.
Ishte vetëm viti i kaluar kur Buffett tha se nëse një përdoruesi iPhone do t’i ofroheshin 10,000 dollarë për telefonin e tij, por duhet të premtonte se nuk do të përdorte më një iPhone, ai nuk do ta pranonte marrëveshjen.
Kjo besnikëri e ndihmoi atë të vendoste të investonte në Apple. /Katror.info
Përgatiti:
