Një film që pritet të ketë shikueshmëri të madhe për sezonin e festave të fundvitit është “Red One”, i cili është përzierje e zhanreve aventurë, aksion dhe komedi. Kjo do të jetë pjesa e parë e një serie filmash që pritet të realizohen vjetëve në vazhdim dhe vjen me regji të Jake Kasdanit dhe skenarë të shkruar nga Chris Morgan.
Ngjarja në film shtjellohet rreth shpëtimit të Babadimrit. Pak para Krishtlindjeve, ai kidnapohet nga forca të rrezikshme dhe të liga. Poli i Veriut dhe personi përgjegjës për sigurinë atë, Callum Drift, e kërkojnë ndihmën e Jack O’Malleyt, një haker dhe gjurmues i aftë. Qysh në fillim, Callum krijon antipati për Jakcun por megjithëkëtë ata detyrohen të punojnë së bashku për ta kthyer Babadimrin në shtëpi dhe për t’i shpëtuar festat e fundvitit.
Në rolet kryesore të këtij projekti vijnë yjet Dwayne ‘The Rock’ Johnson dhe Chris Evans, ndërsa pjesë e kastës janë edhe J.K. Simmons, Lucy Liu, Kiernan Shipka dhe të tjerë.
Mundesh me e lexu edhe…
“Red One” lansohet nëpër kinematë e Amerikës nga 15 nëntori. Kurse më 8 nëntor do të publikohet edhe në tregun Kinez, ku pritet të arkëtoj shuma të mëdha të hollash në arkat filmike.
Përgatiti:
