28 nëntori njihet në trevat shqiptare si Dita e Flamurit, meqë 112 vjet më parë flamuri u ngrit për herë të parë në Vlorë, kur u shpall pavarësia eShqipërisë.
Ky flamur që gëzojnë shqiptarët sot ka një historiktë veçantë, pasi ka kaluar nëpër ndryshime estetike disa herë, të cilat do t’ua paraqesim përmes kësaj videoje.
Sipas studiuesi Jaho Brahaj, autor i librit “Flamuri i Kombit Shqiptar,” historia e flamurit nis që nga epoka ilire, ku shqiponja dykrenare shfaqet në artefakte të ndryshme arkeologjike, si në mburojat e luftëtarëve ilirë dhe në zbukurimet e kulturave të lashta në veri të Shqipërisë.
Mundesh me e lexu edhe…
Shqiponja dykrenore vazhdoi të ishte pjesë e identitetit shqiptar edhe në Mesjetë, ku, në shekullin XII-XIII (12 -13), u përdor nga fiset e njohura shqiptare si Muzakajt, Dukagjinët dhe Kastriotët, tek Gropajt e Ohrit dhe Dibrës, etj.
Flamuri i Kastriotëve, që mban shqiponjën e kuqe në sfond të zi, u bë simboli kryesor i shqiptarëve gjatë Kuvendit të Lezhës në vitin 1444, kur Skënderbeu u shpall kryekomandant.
Simboli i flamurit shqiptar mbijetoi përmes shekujve edhe pas vdekjes së Skënderbeut. Në dokumente të ndryshme historike, si në hartën e vitit 1459, vulat dhe afresket e kishave, shqiponja dykrenore vijon të jetë e pranishme, duke dëshmuar përdorimin e saj si simbol kombëtar.
Gjithashtu, në Lidhjen e Prizrenit (1878), flamuri me shqiponjën dykrenore shfaqet sërish si simbol i rezistencës dhe bashkimit kombëtar.
Më vonë, Faik Konica, për të diferencuar shqiponjën shqiptare nga simbolet e ngjashme të vendeve të tjera, e modifikoi formën grafike të saj duke ngritur flatrat, duke e individualizuar atë në mënyrë unike për shqiptarët.
Ndërkohë, flamuri i Ismail Qemalit i vitit 1912 u bë simboli i Pavarësisë dhe u pranuar masovisht nga shqiptarët.
Gjatë periudhave të ndryshme, përfshirë Mbretërinë Shqiptare dhe regjimin komunist, flamuri pati ndryshime estetike, si vendosja e yllit të kuq pas Luftës së Dytë Botërore. Megjithatë, flamuri pa yll mbeti simbol i identitetit kombëtar për shqiptarët brenda dhe jashtë kufijve të Shqipërisë. Pas rënies së regjimit komunist nëvitin 1990, flamuri u rikthye në formën e tij të pastër, pa yllin e kuq, dhe që nga ajo kohë është sanksionuar si simboli zyrtar i shtetit shqiptar.
Sot ky flamur është historia dhe identiteti i shqiptarëve dhe dëshmon shpirtin e lirisë dhe qëndresës. Nga ne Gëzuar Ditën e Flamurit! /Katror.info
Përgatiti:
