Paul Mescal ka marr iniciativën që të shesë rrobat e veta për të mbledhur fonde për të ndihmuar një organizatë bamirësie irlandeze.
Fansat e yllit të Gladiator II mund të zgjedhin mes veshjeve të trikuara, një bluze të vjetër dhe çizmeve Jimmy Choo.
Fillimisht, varësja që mbante në serialin Normal People fitoi një numër të madh ndjekësish, pastaj u bë viral për pantallonat e shkurtra që iu fotografuan duke vrapuar nëpër Londër dhe Dublin.
Mundesh me e lexu edhe…
Fiksimi i fundit i Paul Mescal me modën është kardigani, dhe fansat nuk kanë më nevojë t’i admirojnë ato nga larg apo të nxitojnë për t’i blerë para se të shiten, pasi ai ka filluar të shesë rrobat e tij për të mbledhur para për bamirësi, shkruan The Guardian, përcjell Katror.info.
Gjatë kohës promocionale të Gladiator II, Mescal veshi pjesë të veçanta, përfshirë një triko me dorë të pikturuar prej mëndafshi të dizajnerit skocez BW Marks, një kardigan prej pambuku nga koleksioni Vjeshtë-Dimër 2024 i dizajnerit britanik AV Vattev, si dhe disa xhinse nga E.L.V. Denim.
Një bluzë të vjetër blu dhe e bardhë do të jetë gjithashtu pjesë e koleksionit, me veshjet që reflektojnë ‘lidhjen e fortë të Mescal me modën vintage dhe të përdorur më parë’.
Sipas stilistes së tij, Felicity Kay, ai shpesh është i gatshëm të veshë përsëri pjesë që i kemi stiluar më parë ose sende nga garderoba e tij personale.
Një kardigan i kuq me lidhëse nga AV Vattev, i cili zakonisht kushton 210 paund, është në shitje për 400 paund. Koleksioni përfshin gjithashtu një kardigan leshi nga Hades për 285 paund, një bluzë crewneck nga Extreme Cashmere për 575 paund dhe çizme të zeza prej lëkure nga Jimmy Choo për 800 paund. Për secilin artikull aplikohet edhe një tarifë shtesë për mbrojtjen e blerësit në Vinted.
Nëse të gjitha artikujt shiten me çmimin e plotë, do të mblidhen 3,545 paund, të cilat do të dhurohen për Pieta, një organizatë bamirësie-irlandeze për që punon për parandalimin e vetëvrasjeve
Kjo nuk është hera e parë që aktori i ka dhuruar sendet e tij për bamirësi. Në vitin 2020, Mescal shiti varësen që mbante personazhi i tij Connell Waldron në serialin e suksesshëm Normal People për 62,590 paund [70,340 euro në atë kohë], me donacione nga e gjithë bota.
Në librin Normal People, varësja e thjeshtë prej argjendi përshkruhet si “Argos chic”, por një llogari në Instagram, e quajtur me humor @connelschain, ka më shumë se 130 mijë ndjekës.
Në atë kohë, Mescal i uroi fitueses përmes një postimi në Twitter dhe konfirmoi se paratë do të ndihmonin në mbështetjen e shërbimeve jetike të bamirësisë.
Koleksioni do të dalë në shitje përmes llogarisë në Vinted, felicitykaystudio, më 16 dhjetor. /Katror.info
Përgatiti:
