Kur dhjetëra punonjës të Klick Health thanë se nuk do të mund të përqafojnë të dashurit e tyre gjatë sezonit festiv, kompania krijoi diçka magjike për të orkestruar takime emocionuese për të befasuar anëtarët e ekipit.
Në një video të re të quajtur ‘Përqafimet e Festave’, kompania prodhoi përqafime mahnitëse të krijuara nga inteligjenca artificiale për punonjësit që u mungonin më të dashurit e tyre.
Më pas, këto video të gjeneruara me inteligjencë artificiale, tejet emocionuese çojnë në paraqitje befasuese që përfundojnë me përqafime të vërteta dhe fizike.
“Thjesht do të doja ta përqafoja tani,” tha me lot në sy Kari Bocassi nga New York, pas shikimit të përqafimit të gjeneruar nga AI me motrën e saj, Marlene, shkruan Good News Network, përcjell Katror.info.
Disa momente më vonë, ajo shpërthen në set dhe përqafon motrën e saj për herë të parë në shumë vite.
Motra dhe vëllai kaluan 14 vitet e fundit duke kujdesur për nënën e tyre pas diagnozës së Alzheimerit, por nuk kishin mundur të kalonin festat së bashku që kur Marlene u transferua në Virxhinia.
Po ashtu, Fred Duarte nga Toronto merr përqafimin më të ngrohtë të jetës kur vëllai i tij Rico, i cili jeton në Brazil, hyn në studio dhe ata bashkohen pas shtatë vitesh për herë të parë gjatë sezonit të festave.
Ky projekt u krijua në partneritet me Fondacionin për Lidhje Sociale në Washington D.C., dhe erdhi pasi një sondazh i realizuar nga Klick zbuloi se 74 % e amerikanëve dhe kanadezëve nuk do të mund të përqafojnë së paku një person që dëshirojnë gjatë festave.
Pjesëmarrësit në sondazh, ashtu si ata në video, përmendën dy arsye kryesore përse ata nuk do të mund të jenë së bashku për festat: 1) distanca gjeografike dhe 2) të dashurit që kanë ndërruar jetë.
Duke theksuar përfitimet shëndetësore të përqafimeve, Klick Health thotë se ato nuk vetëm që i bëjnë njerëzit të ndihen më mirë emocionalisht, por kanë gjithashtu shumë përfitime shëndetësore.
Sipas Institutit Kombëtar të Shëndetit, përqafimet mund të ulin presionin e gjakut dhe të forcojnë sistemin imunitar.
“Çfarëdo ngrohtësie dhe sigurie që vjen nga një përqafim i sinqertë është e pa krahasueshme,” shtoi Rich Levy, Menaxheri Kryesor i Kreativitetit në Klick.
“Duke parë gëzimin dhe lotët e punonjësve tanë, na kujton se asnjë teknologji nuk mund ta zëvendësojë magjinë e lidhjes njerëzore, por mund ta ndihmojë të na afrojë në mënyra të surprizuese.”/Katror.info
Përgatiti:
