Ndër gjashtë vendet e Ballkanit Perëndimor, kosovarë ndihen më të sigurtit ekonomikisht, sipas anketimit të fundit të Këshilli i Bashkëpunimit Rajonal me mbi 6 mijë qytetarë të Ballkanit.
Ndërkaq, shqiptarët janë ndër ata, të cilët ndihen më të pasigurtit në aspektin ekonomik, kur merret për bazë perceptimi i tyre.
Kështu ka zbuluar anketimi i fundit nga Këshilli i Bashkëpunimit Rajonal, i cili ka zbuluar se perceptimi i shqiptarëve për sigurinë ekonomike është më nga më të ulëtit e rajonit, shkruan Albanian Post.
Mundesh me e lexu edhe…
Ajo çfarë shihet ndërkohë në kahun e perceptimit pozitiv, është fakti se sërish shtetasit e Kosovës ndihen më të sigurtit ekonomikisht. Janë 35% e tyre, të cilët shprehin qëndrimin se janë tërësisht ose në shumicë të kënaqur me gjendjen ekonomike.
Në bazë të barometrit, Maqedonia e Veriut është vendi në të cilin qytetarët ndihen më të pasigurtit ekonomikisht, ku 47% e popullatës janë përgjigjur se ata janë tërësisht ose në masë jo të kënaqur me gjendjen e tyre ekonomike.
Menjëherë pas ndjek Shqipëria, e cila qëndron mbi mesataren rajonale të pesimizmit ekonomik, me 43% të qytetarëve, të cilët mendojnë se gjendja e tyre ekonomike është e keqe dhe ata nuk janë të kënaqur me këtë.
Bosnjë dhe Hercegovina ndjek me 41% të pakënaqur, Serbia më tej me 38% dhe Mali i Zi me 37%.
Ndërkohë, Kosova është vendi i renditur më mirë, ku vetëm 26% e qytetarëve ndihen tërësisht ose në masë të pakënaqur.
Nga ana tjetër, një përqindje shumë e madhe e kosovarëve mbeten neutrale dhe nuk anojnë për një përgjigje.
Shqiptarët dhe serbët ndjekin menjëherë pas, me 31% të popullsisë respektive, të cilët ndihen të kënaqur ekonomikisht dhe e shohin veten si të sigurt.
Ndjek Mali i Zi me 28% dhe më tej Bosnjë dhe Hercegovina me 25%, teksa e mbyll Maqedonia e Veriut me 23%.
Mesatarja ballkanike për kënaqësinë ekonomike është në 28%, duke e nxjerrë në këtë aspekt Shqipërinë më lart kryesisht se vendet e tjera.
Ajo çfarë vihet re po ashtu, është fakti se shqiptarët kanë qëndrime më të qarta se qytetarët e tjerë rajonalë, pasi vetëm 26% e tyre refuzojnë të rreshtohen në kahun neutral, pa specifikuar një qëndrim pozitiv, apo negativ, mbi fenomenin./Katror.info
Përgatiti:
