Ambasadori gjerman në Kosovë, Jörn Rohde ka bërë të ditur që i është bashkuar iniciativës së BlueSky, për kufizimin e komenteve në kanalin X.
Këtë e ka bërë të ditur përmes një njoftimi në rrjete sociale, shkruan Katror.info.
“Në dritën e zhvillimeve të fundit në X, kemi vendosur të kufizojmë rubrikën e komenteve në kanalin tonë në X për postimet e ardhshme dhe të zgjerojmë komunikimin tonë në Bluesky ” ka shkruar ai.
Mundesh me e lexu edhe…
Ai sugjeron që për një shpërndarje të informacionit të lirë në një mjedis që nuk është i dominuar nga urrejtja dhe nxitja, ta ndjekim në platformën BlueSky.
Përdoruesit e pakënaqur të ‘X’ po kthehen përsëri në Bluesky, një platformë sociale më e re që ka lindur nga Twitter i mëparshëm, para se miliarderi Elon Musk ta merrte atë në vitin 2022.
Ndërsa mbetet e vogël krahasuar me hapësirat e njohura online si ‘X’, ajo është shfaqur si një mundësi për ata që kërkojnë një atmosferë tjetër, më të lehtë dhe miqësore, më pak të ndikuar nga Musk.
Çfarë është Bluesky?
E mbështetur nga ish-CEO i Twitter, Jack Dorsey, Bluesky ishte një hapësirë që ofrohej vetëm me ftesë deri në shkurt 2024, kur u hap për publikun. Kjo periudhë ftesash ka dhënë mundësinë që platforma të ndërtojë mjetet e moderimit dhe veçori të tjera.
Platforma ngjan me ‘X’të Musk, me një ‘udhëzues për zbulimin e përmbajtjeve’ dhe një ‘udhëzues kronologjik’ për llogaritë që përdoruesit ndjekin.
Përdoruesit mund të dërgojnë mesazhe direkte dhe të postojnë, si dhe të gjejnë ‘paketa fillestare’ që ofrojnë një listë të kuruar të personave dhe përmbajtjeve të personalizuara për t’u ndjekur. /Katror.info
Përgatiti:
