Grupi amerikan “Never Come Down” ka mbajtur koncert në Prishtinë , në fillim të turneut të tyre në Ballkan, ku kanë prezantuar stile moderne dhe tradicionale të muzikës amerikane Bluegrass. Pas Prishtinës ata do të performojnë në Pejë, ka njoftuar Ambasada Amerikanë në Prishtinë.
Kjo është vizita e parë e tyre në Kosovë, dhe siç ka thënë grupi “ky ishte një fillim i mrekullueshëm i ditës në Kosovë.”
Ata kanë mbajtur koncertin në qendrën e kulturës dhe muzikës alternative “Defy Them;.”
Mundesh me e lexu edhe…
“Ky koncert organizohet në kuadër të bashkëpunimit ndërmjet Defy Them Records dhe Ambasadës së SHBA-së në Prishtinë, duke vazhduar kontributin në zhvillimin e diplomacisë kulturore përmes muzikës. Never Come Down sjell një përzierje të muzikës bluegrass, folk dhe americana, me një performancë që më rrallë mund përjetohet në Kosovë, ka shkruar Defy Them.
Anëtarët e bendit janë Joe Suskind – kitarë; Crystal Lariza – vokaliste; Brian Alley – banxho; Kaden Hurst – mandolinë dhe Ben Ticknor – kontrabas.
Vetë anëtarët e grupit janë shprehur të lumtur me priten në Kosovë.
Ky është koncerti i tyre i parë në Evropë, dhe pritja e ngrohtë që kanë marrë ka qenë mbresëlënëse për ta.
Crystal Lariza e përshkruan ardhjen në Kosovë si një përvojë të veçantë:
“Të gjithë kanë qenë shumë të ngrohtë, mikpritës dhe të sjellshëm. Është vërtet bukur të ndihesh i mirëpritur në këtë mënyrë. Ushqimi këtu është fantastik”, ka thënë ajo për Telegrafin.
Ajo tregon se emri i grupit, Never Come Down, simbolizon dëshirën e pandalshme për të performuar dhe për të qëndruar gjithmonë në skenë: “Thjesht duam të vazhdojmë të luajmë dhe të luajmë pafundësisht.”
Lariza shpjegon se diversiteti muzikor i anëtarëve të grupit e bën këtë eksperiencë të pasur dhe unike. Ajo e konsideron bluegrass-in si gjininë që i bashkoi dhe i frymëzoi të krijonin muzikë origjinale, duke ndërthurur influenca nga soul-i, folk-u dhe Americana.
Turneu i tyre përfshin performanca në pesë vende të Ballkanit: Kosovë, Maqedoninë e Veriut, Bullgari, Slloveni dhe Bosnjë e Hercegovinë. Pas koncertit të suksesshëm në Kosovë, ata do të vazhdojnë në Pejë për një tjetër performancë, duke sjellë energjinë e tyre në qytete dhe hapësira të ndryshme, përfshirë një qendër për të moshuarit.
Grupi amerikan i njohur për muzikën e tij bluegrass, “Never Come Down”, ka ardhur për herë të parë në Kosovë si pjesë e një turneu evropian të organizuar nga American Music Abroad (AMA) dhe American Voices./Katror.info
Përgatiti:
