Arabia Saudite i ka kërkuar kompozitorit legjendar dhe fituesit të çmimit Oscar, Hans Zimmer, të punojë në një version të ri të himnit kombëtar, sipas një zyrtari të lartë në këtë shtet.
Kjo lëvizje vjen ndërsa mbretëria konservatore arabe raportohet se po punon për përmirësimin e imazhit të saj në arenën ndërkombëtare, ndërkohë që përpiqet të diversifikojë ekonominë e saj të varur nga nafta.
Zimmer ka fituar çmime Oscar për kolonat zanore të filmave The Lion King në vitin 1995 dhe Dune në vitin 2022.
Mundesh me e lexu edhe…
Ai gjithashtu ka kompozuar muzikën për filma klasikë si Gladiator, Rain Man dhe trilogjinë e filmave të The Dark Knight për Batman-in, shkruan Sky News, transmeton Katror.info.
Turki Alalshikh, kryetari i Autoritetit të Përgjithshëm të Argëtimit në Arabinë Saudite, ndau një imazh në platformën X, ku shfaqej duke takuar Zimmer, dhe shkroi: “Diskutuam shumë për projekte të ardhshme që shpresoj të shohin dritën së shpejt, përfshirë riorganizimin e himnit kombëtar saudit me instrumente të ndryshme.”
Ai gjithashtu shtoi se kanë biseduar për “krijimin e një kompozite muzikore të quajtur Arabia, e frymëzuar nga vendi im i dashur, dhe për organizimin e një koncerti të madh me një koncept të ri për sezonin e Riadit në vitet e ardhshme”.
“Unë gjithashtu i prezantova atij fazën në të cilën ndodhemi për filmin Beteja e Jarmukut (Khalid bin Al-Walid) dhe mundësinë e pjesëmarrjes së tij në kompozimin e kolonës zanore për të,” tha Alalshikh.
Ai shtoi se Zimmer kishte “rënë dakord për vijat e përgjithshme” të këtyre projekteve dhe shpresojnë të “arrijnë një marrëveshje përfundimtare për to”.
Himni kombëtar i mbretërisë, “Aash Al-Malik” (“Rrofsh, Mbret”), u shkrua në vitin 1947 nga një kompozitor egjiptian me kërkesë të monarkut themelues të Arabisë Saudite, Mbretit Abdulaziz.
Nuk është plotësisht e qartë pse autoritetet saudite mund të jenë duke konsideruar rishikimin e himnit kombëtar./Katror.info
Përgatiti:
