Real Madridi ka triumfuar 3-0 në udhëtim te Real Valladolidi në kuadër të javës së 21-të në La Liga.
Pas vetëm dy minutash lojë, vendasit rrezikuan me anë të David Torres, por Thibaut Courtois ishte i vëmendshëm.
Edhe Mamadou Sylla (24’) testoi portierin belg, mirëpo ky i fundit sërish pati një intervenim të sigurt.
Mundesh me e lexu edhe…
Por, gjashtë minuta më vonë, Kylian Mappe kaloi Los Blancos në epërsi me një gol të bukur, ndërsa Jude Bellingham ishte asistuesi.
Në minutën e 57-të, Rodrygo ishte në rolin e asistuesit, ndërsa Mbappe përfundoi atë me finesë për 2-0.
Luka Modric lëshoi një mundësi të artë shënimi në minutën e 85-të, pasi goditja e tij përfundoi afër shtyllës së majtë.
Por, Jude Bellingham fitoi një penallti në minutën e 90-të, kur lojtari i Valladolidit bëri ndërhyrje brutale dhe u ndëshkua me të kuq.
Mbappe ia doli të realizonte për 3-0, duke kompletuar kështu het-trikun e tij.
Me këtë fitore, Real Mdridi vazhdon si lider me 49 pikë, ndërsa në xhiron e 22-të takohen me Espanyolin. /Katror.info
Përgatiti:
