Dimri, me gjithë të ftohtin dhe dritën e pamjaftueshme, lejon të kultivojmë mbi ballkone e tarraca lule që sfidojnë temperaturat e ulëta dhe dhurojnë lulëzime delikate dhe gjethe zbukuruese. Bëhet fjalë për vjollcën, cineraria,calecephalus, gaultheria, festuca, që do të shihni në fotot tona.
Vjollca të habit me përshtatshmërinë dhe rezistencën ndaj të ftohtit. Në fakt kultivimet me lule të vogël, kanë një gjethe më të përmbledhur, në formë trëndafili të vogël dhe çel një numër të madh lulesh, më të qëndrueshme dhe që nuk prishen lehtë nga ngrica, ndryshe nga lulet e mëdha, siç janë Vjollca e Mendimit, magjike, por delikate. Në vitet e fundit, kanë dalë në treg shumëllojshmëri vjollcash të çdo ngjyre, të pastër apo të kombinuar. Lulëzimi fillon në vjeshtë dhe vazhdon gjatë gjithë dimrit deri në pranverë, edhe deri në qershor, po qe se temperatura është e freskët, shkruan Living.al.
Cineraria mund të qëndrojë mbi ballkon gjatë gjithë vitit, por në dimër ndriçimi i pakët i bën gjethet gri, akoma më zbukuruese, shumë të nevojshme për kontrastin me gjethet apo lulet e tjera. Është një barishte me gjethe të qëndrueshme që me kalimin e kohës mund të bëhet një shkurre e vogël, por në ballkon na leverdis më shumë ta mbajmë të vogël dhe me gjethe të njoma. Lulet e verdha janë të pranishme vetëm gjatë verës. Sapo thahen qëndrojnë në bimë edhe për një muaj.
Mundesh me e lexu edhe…
Calecophalus është një shkurre shumëvjeçare me formë të rrumbullakët që në natyrë mund të kalojë një metër e gjysmë lartësi. Në vazo kultivohet më e vogël dhe madje, gjatë dimrit, kombinohet më mirë me bimë të tjera në qoftë se e mbajmë të gjatë 20-30 cm. Gjethet dhe rrënjët janë me ngjyrë gri argjendi dhe gjatë dimrit del më shumë në pah, falë degëve të panumërta e të ndërthurura. Lulet e verdha edhe për këtë bimë janë të pranishme vetëm gjatë verës.
Gautheria është një shkurre shumëvjeçare e shkurtër që nuk kalon 25-30 cm lartësi nëse kultivohet në vazo. Bima është shumë kompakte dhe e degëzuar dhe ndonjëherë varet poshtë. Gjethet e vogla janë të qëndrueshme, dhe në vjeshtë/dimër marrin nuanca të kuqërremta. Ngjyra e frutave që prodhon është e kuqe, rezistojnë mbi bimë deri në fund të dimrit. Lulëzimi është jo shumë i bukur dhe elementi më me interes janë lulet e kuqe që shpërndahen në mënyrë uniforme mbi të gjithë shkurren.
Festuca është lule shumë e bukur, ajo mbushet plotë tufa shumëngjyrëshe në nuancat gri-blu. Është një bimë shumëvjeçare, që çdo vit ripërtërin lulet e saj dhe më e rëndësishmja kjo bimë nuk ka nevojë për shumë kujdes, gjë që e bën një shoqëruese perfekte të ballkonit tonë në dimër. /Katror.info
Përgatiti:
