Pas suksesit në Grand Slam 2025, xhudistët kosovarë vazhdojnë përgatitjet e tyre në Kampin Stërvitor Ndërkombëtar, i cili po mbahet në Paris nga 3 deri më 6 shkurt, shkruan Katror.info.
Ky kamp ka mbledhur jo vetëm garuesit e Grand Slam 2025, por edhe xhudistë të rinj nga vende të ndryshme, duke krijuar një ambient të jashtëzakonshëm për përvojë dhe shkëmbim teknikash.
Nën drejtimin e trajnerëve të njohur Driton Kuka, Majlinda Kelmendi dhe Fatos Tabaku, ekipi kosovar po përfaqësohet nga Distria Krasniqi, Nora Gjakova, Akil Gjakova, Dardan Cena, Erza Muminoviq, Laurina Gashi, Enise Zijade dhe Sidorela Dodaj.
Mundesh me e lexu edhe…
Kujtojmë se në Grand Slam 2025, Kosova siguroi disa medalje të rëndësishme: Akil Gjakova shkëlqeu duke fituar medaljen e argjendtë, ndërsa Distria Krasniqi dhe Nora Gjakova siguruan medalje të bronzta, duke dëshmuar edhe një herë nivelin e lartë të xhudos kosovare./Katror.info
Përgatiti:
