Elon Musk, ka shitur 19.5 milionë aksione të tjera të Teslas, me vlerë 3.95 miliardë dollarë.
Lajmi vjen më pak se dy javë pasi njeriu më i pasur në botë përfundoi blerjen e Twitter-it në vlerë prej 44 miliardë dollarësh. Çmimi i aksionit të Teslas ka rënë me më shumë se 50% që nga fillimi i këtij viti, , raporton BBC.
Arsyeja e shitjes së fundit të aksioneve nuk është bërë ende e ditur.
Mundesh me e lexu edhe…
Shitja e fundit e sjell vlerën totale të aksioneve të Tesla-s të shitura nga Musk në pothuajse 20 miliardë dollarë që kur ai njoftoi në fillim të këtij viti se kishte blerë një aksion në Twitter.
Ai shiti 8.5 miliardë dollarë aksione të Teslas në prill të këtij viti dhe rreth 7 miliardë dollarë të tjera në gusht.
Lajmi vjen një ditë pasi që Kompania Tesla njoftoi se do të tërheqë mbi 40,000 makina në SHBA për shkak të një problemi të mundshëm në drejtimin elektrik.
Prodhuesi i makinave elektrike të Elon Musk thotë se sistemi i asistencës së drejtimit me energji elektrike të automjeteve mund të dështojë në rrugë të vështira ose pas rënies në një gropë.
Tesla tha se më shumë se 97% e automjeteve të tërhequra kishin instaluar një përditësim që e kishte trajtuar tashmë problemin, raporton BBC. Kjo kompani ka lëshuar 17 njoftime për tërheqje në vitin 2022, duke përfshirë 3.4 milionë automjete.
Përgatiti:
