Nga 100 qytete të ndryshme evropiane, qyteti andaluzian i Granadës u emërua destinacioni më i lirë i pushimeve falë gamës së tij të gjerë të atraksioneve falas.
Një studim i ri nga uebsajti i prenotimeve të transportit Omio, i cili shqyrtoi 100 qytete të ndryshme në Evropë, zbuloi se Granada ishte më i miri për një turne me buxhet të ulët.
U zbulua se Granada ka gjithsej 112 atraksione turistike falas, 10 muze pa pagesë dhe akses në 60 pamje të ndryshme për t’u vizituar, shkruan The Local.
Mundesh me e lexu edhe…
Një vakt për dy vetë në një restorant mesatar kushton 50 euro, ndërsa një vizitë në Pallatin Alhambra, i cili është nën mbrojtjen e UNESCO-s, kushton 14 euro për të rriturit, dhe për një biletë për një turne me autobus turistik, vizitorët duhet të shpenzojnë rreth 9 euro.
Një natë në këtë qytet andaluzian është gjithashtu e përballueshme, me një birrë që kushton rreth 2.5 euro dhe një pjatë tapas falas. Një biletë për transport publik kushton 1.40 euro dhe është e vlefshme për 24 orë.
Pothuajse një simbol i qytetit dhe padyshim tërheqja kryesore është Alhambra, kështjella më e madhe maure në Andaluzi.
Ajo është në Listën e Trashëgimisë Botërore të UNESCO-s që nga viti 1984.
Pallati Nasrid është padyshim xhevahiri i kurorës së Alhambrës, një mbetje e stilit arkitekturor të rafinuar, të ndërlikuar dhe elegant të qytetërimit maur.
Ky qytet është gjithashtu shtëpia e katedrales së dytë më të madhe në Spanjë dhe e katërta më e madhe në botë. Është ndërtuar gjatë mbretërimit të mbretëreshës Isabella. Megjithëse ndërtimi filloi në 1518, u deshën më shumë se 180 vjet për t’u përfunduar.
Nëse e vizitoni ndonjëherë këtë qytet, duhet të vizitoni lagjen arabe të quajtur Albaicin ose Albayzin. E ndërtuar në një kodër të pjerrët, është një zonë e lashtë me rrugë të ngushta, të ndërlikuara, gjarpëruese dhe me një bukuri të jashtëzakonshme.
Këtu janë edhe nëntë destinacionet tjera më të lira në Evropë, sipas studimit të Omio.
Bruges, Belgjikë
Venecia, Itali
Valencia, Spanjë
Edinburg, MB
Innsbruck, Austri
Kembrixh, MB
Sevilje, Spanjë
Màlaga, Spanjë
Firence, Itali. /Katror.info
Përgatiti:
