Shumica e njerëzve e kanë t’paimagjinushme me e fillu ditën pa e pi nji filxhan kafe. Për ta, kafja ju ndihmon me i çelë sytë e pa to s’ban hiç. E anipse duket sikur nji varësi që ma shumë asht psiqike sesa që nime kafja t’i çelë sytë – ka diçka t’vërtetë n’këtë farë mesele.
Sikur për çdo pije a ushqim që njerëzit kanë shterrë mend e kanë zbulu çfarë efekte kanë, se si ndikojnë ato n’metabolizmin tonë, apo edhe çfarë historie e prejardhje kanë, nja’ashtu kanë zbulu e shterrë mend ekspertë t’ndryshëm për efektet pozitive që pirja e kafes n’mëngjes ka tek ne. E ne t’i kemi listu 6 prej tyre.
1. Kafja e mëngjesit t’ndihmon me kriju nji rutinë
Rutinat janë t;’dobishme për shëndetin tonë mendor dhe fizik. Ato ndihmojnë trupin dhe mendjen me u përshtatë e përgatitë për ditën dhe angazhimet përgjatë saj. Nji rutinë mëngjesi ku ti ulesh dhe e shijon nji filxhan kafe e ndihmn trupin tand me u përgatitë për pjesën tjetër t’ditës, po aq sa e ndihmon edhe mendjen, veçanarisht nëse ke nevojë me punu e me u përkushtu n’diçka. E pavarësisht llojit t’kafes që mundesh me e pi, koha që ti e ndanë për vehten n’mëngjes, i/e ulur me nji filxhan n’dorë – asht kohë kualitative dhe e shëndetshme.
Mundesh me e lexu edhe…
2. Kafja e mëngjesit ta jep nji “hov” energjie
Jo t’gjithë jemi energjik kur i çelim sytë, e veçanarisht kjo vlenë ma shumë për ata që e kanë shprehi me qëndru zgjuar deri n’orët e vona dhe nuk kanë mjaftueshëm orë gjumë. Fatmirësisht, kafja asht nji mënyrë jashtëzakonisht e lehtë për me e rritë nivelin e energjisë n’mëngjes e që rrjedhimisht ndihmon n’përmirësimin e niveleve t’energjisë gjatë gjithë ditës. Meqenëse kafja përmban kafeinë, kjo pije ndikon tek njerëzit që ata me u ndi ma pak t’lodhur, me ua rritë nivelet e energjisë dhe me i ba ma vigjilent.
3. Kafja e mëngjesit ta ndreçë disponimin
Ekspertët kanë zbulu se kafja mundet me ndiku pozitivisht n’disponimin dhe humorin e njerëzve. Sipas tyre, kafja mrrinë me ta zvoglu nivelin e neverisë e irritimit, redukton besa edhe stresin dhe frustrimin e përjetum gjatë mëngjesit, si dhe me ta rritë nivelin e humorit. E edhe nëse nuk je fort merakli/ke i/e kafes përgjithësisht, apo nuk e ke fiksim me e pi me patjetër n’mëngjes – nisja pije ni filxhan kafe (t’çfarëdoshme) që me e pasë nji start t’mirë, sepse, jo kot thuhet që dita e mirë shihet n’mëngjes.
4. Kafja e mëngjesit ta redukton ankthin
Kafeina, megjithëse asht nji stimulues bajagi i madh dhe i rrit nivelet e energjisë, asht tregu se e ulë nivelin e përjetum t’ankthit nëse konsumohet n’mëngjes. Poashtu, falë kafeinës n’kafe, truri përgjithësisht funksionon ma shpejtë dhe ma mirë, madje t’stimulohet edhe produktiviteti. Kështu që, nëse je n’siklet apo ke shqetësime përgjatë mëngjesit, provo përgatitja vehtës nji kafe, pije n’qetësi dhe shiko se a po ndikon me t’relaksu sado pak.
5. Kafja e mëngjesit ta qetëson stomakun, por dhe ta shpejton metabolizmin
Nji prej përfitimeve ma interesante t’kafes asht që ajo mundet me ndiku me ta qetësu stomakun nëse ushqimi i mëngjesit t’ka mundu pak apo ke dhimbje barku. qetësimin e stomakut. Madje, disa studime kanë zbulu se pirja e kafes n’mëngjes e përshpejton metabolizmin dhe ndihmon n’përmirësimin e tretjes gjatë tanq ditës.
E nëse don me mësu edhe ma tepër për efektet pozitive t’kafes (kuptohet, pa e tepru t’u pi) , mti mundesh me kutpu se si dhe pse kafja e ulë rrezikun e problemeve t’zemrës dhe vdekjeve t’hershme, apo edhe me e kuptu se cilët ishin 9 gjenitë që e adhuronin kafen – e ti me shumë gjasë mundesh me qenë gjeniu i 10. Shijo! /katror.info
Përgatiti:
