Vitamina C shkurton kohëzgjatjen e sëmundjes, forcon sistemin imunitar dhe shërben si antioksidant kundër radikaleve të lira.
Prania e saj është e rëndësishme në të mirë të sistemit imunitar, kundër sëmundjeve të zemrës, problemeve me shtatzëninë, sëmundjeve të syve dhe rrudhave të parakohshme.
Ajo mbështet rritjen normale të trupit, zhvillimin e tij dhe përthithjen e hekurit.
Mundesh me e lexu edhe…
Organizmi i njeriut nuk mundet të prodhojë apo ruajë vitaminën C.
Kjo e bën marrjen e kësaj vitamine nga ushqimet, një nevojshmëri të madhe.
Sasia maksimale që njeriu mund të marrë nga kjo vitaminë është 2000 miligramë në ditë.
Ushqimet më të pasura me Vitaminë C
Për shumë njerëz, një portokall, një racion me luleshtrydhe, speca të kuq apo brokoli, ofron një dozë të mjaftueshme të vitaminës C.
Shenjat që jep trupi kur mungon vitamina C
Stresi është i pashmangshëm gjatë ditës.
Ai nxitet nga një sërë faktorësh, ngjarjesh dhe mendimesh.
Mungesa e vitaminës C i shumëfishon këto faktorë nxitës të stresit, jo vetëm në frekuencë por edhe në përmasë. Njerëzit që kanë mungesa të vitaminës C shpalosin sjellje të ngjashme me depresionin, ndihen më të lodhur dhe pa energji, shkruan agroweb.
Probleme me dhëmbët
Vitamina C i mban dhëmbët dhe mishrat e tyre të shëndetshëm.
Mungesa e kësaj vitamine shkakton erozion dhe rënie të dhëmbëve.
Sistem të dobët imunitar
Mungesa e vitaminës C krijon një handikap në sistemin imunitar.
Jo vetëm që organizmi sëmuret shpesh, por edhe shërimi dhe rikuperimi është më i vështirë. Një sistem i dobët imunitar e ka më të vështirë të mposhtë infeksionet dhe bakteret.
Plogështi
Anemia prek me qindra shqiptarë.
Plogështia është një prej simptomave të saj që vjen si pasojë e niveleve të ulëta të hemoglobinës. Mungesa e vitaminës C shkakton anemi dhe probleme me prodhimin e qelizave.
Shtim në peshë
Mungesa e vitaminës C rrit masën dhjamore në organizëm.
Kjo ndodh sepse trupi resht së përdoruri yndyrat si burim energjie./Katror.info
Përgatiti:
