Salla e Teatrit Popullor në Shkup do të jetë vendi ku simpatizantët e këngës shqipe do t’ia mësyejnë gjatë mbrëmjes së sotme.
Shkupi do ta mbaj edicionin e 18-të i Festivalit më të njohur shqiptar në Maqedoninë e Veriut, Nota Fest.
Për dallim nga dy vitet e kaluara ku si pasojë e pandemisë festivali në fjalë u realizua me dyer të mbyllura dhe vetëm në transmetim të drejtëpërdrejtë televiziv, kësaj radhe nuk do të mungojnë duartrokitjet e publikut.
Mundesh me e lexu edhe…
Programi i festivalit ka paraparë performimin e 17 këngëtarëve.
Pjesë e këtij edicioni janë kryesisht këngëtarët e rinj, por edhe këngëtarë të cilët tashmë janë të njohur për publikun shqiptar, si nga Maqedonia e Veriut, Kosova, Shqipëria, si edhe nga Mali i Zi.
Për dallim nga viti i kaluar ku këngët kryesisht ishin balada, këtë vit, sipas organizatorëve, do të ketë një miks të zhanreve muzikore.
Për t’u pranuar një garues si pjesëmarrës i festivalit parimisht duhet të prezantojë projektin e tij të këngës me tematikë festivali, të jetë këngë autoriale, të përmenden autorët e muzikës dhe orkestrimit.
Çmimin për këngën më të mirë të festivalit do ta përcaktojë publiku nëpërmjet të drejtës së votimit, ndërsa juria profesionale është caktuar për ndarjen e çmimit kryesor dhe dytësor.
Çmimi për vendin e parë do ketë shpërblim prej 2.000 euro, për vendin e dytë 1.500 euro dhe vendin e tretë 1.000 euro të cilat do të vlejnë për shpenzim të videoklipeve.
Përveç këngëve garuese, programin do ta zbukurojnë edhe disa këngë të kënduara nga mysafirë specialë.
Nota Fest është festivali i vetëm muzikor shqiptar në Maqedoninë e Veriut i cili daton nga viti 1995.
Ai zhvillohet në Shkup dhe çdo vit sjell hite të reja dhe këngëtarë që pasurojnë estradën shqiptare duke argëtuar simpatizantët e muzikës gjatë tërë vitit.
Në pamundësi për t’i përballuar shpenzimet e organizimit, festivali Nota Fest u ndërpre në vitin 2008.
Dy vite më vonë, pra në vitin 2010 festivali i muzikës moderne Nota Fest u shndërrua në një festival të muzikës popullore tashmë i emëruar me emrin “Fest Nota e Artë” i cili vazhdoi traditën deri në vitin 2012, që për shkaqe të njëjta financiare nuk pati më shumë vazhdimësi.
Më pas, pikërisht në periudhën e vështirësisë me pandeminë, në vitin 2020 u rikthye Nota Festi i muzikës moderne dhe që sot 3 vjet po e organizon këtë eveniment në mënyrën më të mirë./Katror.info
Përgatiti:
