Kjo javë ka sjellë mbarësi në shumë fusha në Kosovë!
Nga bujqësia që po lulëzon, te suksesi i artistëve e inovatorëve tanë, e deri tek lajmet që frymëzojnë – shumë gjëra kanë shkuar mirë. Nëse ju kanë ikur, mos u brengosni! Ne i kemi përmbledhur për ju 5 lajmet më të mira që nuk duhet t’i humbni’.
Nga Maja e Mauna Kea, te majet e sukseseve – Pranvera Hyseni po prek’ yjet
Këtë javë, Pranvera Hyseni na ka përfaqësuar denjësisht në një nga konferencat më të mëdha të shkencës planetare, ku, në mesin e 2,000 shkencëtarëve dhe kërkuesve nga e gjithë bota, ajo ndau hulumtimet e saj të fundit në fushën e astronomisë. Me një prezantim mbi familjet e asteroideve dhe të dhënat e mbledhura nga teleskopët më të avancuar, Pranvera po çon përpara kufijtë e njohurive shkencore dhe vendos Kosovën në hartën globale të shkencës planetare.
Pranvera po e dëshmon se me pasion dhe përkushtim, mund të arrish të prekësh yjet dhe të ndriçosh rrugën për të vendosur Kosovën në një hartë globale të shkencës planetare.
Pranvera na fton në natyrë!
Me Ditën e Verës dhe me rrezet e para të ngrohta, është koha të rikthehemi në bujqësi, të mbjellim e të kujdesemi për të mirat që do të sjellë sezoni i ri!
Fermerët e Komunës së Rahovecit po shfrytëzojnë motin e mirë që po mbretëron këto ditë për të nisur zinxhirin e prodhimit të perimeve. Që nga mesi i janarit, kultivuesit e fidanëve të perimeve kanë filluar të hedhin farën për të siguruar që koha optimale për mbjellje t’i gjejë gati.
“Fidanët në serën tonë janë gati për shitje, dhe interesimi tani është për specin dhe lakrën. Më vonë fillojmë me domate, shalqin, pjepër etj,” thotë Çlirim Duraku nga Krusha e Madhe.
Ymer Gashi, fermer tjetër, është duke përgatitur serat për mbjelljen e trangullit.
Institucionet lokale thonë se do t’i mbështesin fermerët në Rahovec.
Bujqësia është harmonia mes natyrës dhe përkushtimit, ku vera sjell energji dhe toka mban të ardhmen
Ky lajm padyshim që është një hap i rëndësishëm për shëndetësinë e fëmijëve në Istog!
Komuna e Istogut ka pranuar një donacion të rëndësishëm nga Action for Mothers and Children (AMC) për repartin e Pediatrisë në Qendrën Kryesore të Mjekësisë Familjare (QKMF). Ky donacion do të rrisë cilësinë e shërbimeve dhe do të sigurojë pajisje të avancuara mjekësore, duke ofruar kujdes më të mirë për fëmijët tanë. Dhe, si gjithmonë, Katror Media është krenar të sjellë këtë lajm të mrekullueshëm!”
Për shëndetin e fëmijëve tanë, çdo hap i vogël është një sukses që çon drejt një të ardhmeje më të shëndetshme.
Një lajm i mirë që bashkon artin, kulturën dhe ekonominë!
Ky lajm i mrekullueshëm tregon se si arti dhe kultura mund të jenë motorë të zhvillimit ekonomik. Me një ndikim të madh në Pejë, festivali “Anibar” ka krijuar mundësi të reja për bizneset dhe ka rritur ndërveprimin ndërkombëtar, duke bashkuar pasionin për artin dhe nevojën për zhvillim ekonomik.
Edicioni i kaluar i Festivalit të Animacionit në Pejë ka dëshmuar se kultura dhe arti janë motorë të fuqishëm për rritjen e ekonomisë lokale. Sipas të dhënave të fundit, festivali ka gjeneruar mbi 1.6 milion euro për Pejën dhe ka krijuar një kthim të jashtëzakonshëm investimi prej 7.94 euro për çdo 1 euro të investuar, në ekonominë e përgjithshme.
Me 7275 vizitorë dhe një audiencë ndërkombëtare, “Anibar” ka krijuar mundësi të reja për bizneset lokale dhe ka kontribuar në zhvillimin e turizmit dhe industrisë së shërbimeve.
Siç shprehet Vullnet Snaja, udhëheqës i “Anibar”: “ Investimi që bëhet në kulturë tregohet se kthimi është shumë më i madh”.
Edhe një lajm i mirë që ka ndriçuar kutinë tonë këtë javë!
Në këtë javë mbushur me mundësi dhe suksese, edhe një lajm i jashtëzakonshëm ka dalë në dritë, duke përshkruar arritjen e një gruaje kosovare. Erzë Dinarama, arkitekte dhe dizajnere ndërdisiplinore, do të përfaqësojë Kosovën në Bienalen e Arkitekturës në Venecia 2025, një ngjarje e rëndësishme që i ofron mundësinë të shfaqë punën dhe talentin e jashtëzakonshëm të grave kosovare në fushën e arkitekturës. Me projektin e saj “Ansamble në shpërfaqje: Ekologjitë në ndryshim”, Dinarama do të trajtojë pasojat e ndryshimeve klimatike dhe ndikimin e migrimit të specieve në ekosistemet lokale, duke ofruar një vështrim të ri mbi sfidat mjedisore globale.
Përmes punës dhe angazhimit të saj, Dinarama po shndërrohet në një shembull frymëzues për brezat që vijnë, duke treguar se pasioni dhe përkushtimi mund të hapin rrugën për mundësi të jashtëzakonshme. Ky është një moment i rëndësishëm për Kosovën, që ofron mundësinë të tregojë forcën krijuese të gruas kosovare dhe përkushtimin ndaj sfidave ekologjike në nivel ndërkombëtar.
Ky është lajmi i fundit për këtë edicion të #Newsletter nga #katrormedia, dhe e mbyllim me një histori që frymëzon./Katror.info
Përgatiti:
