Një terapi e re e kancerit për vetëm 6 ditë ka shkatërruar plotësisht tumoret e avancuara të vezoreve dhe të zorrëve.
Provat klinike pritet të fillojnë në muajt e ardhshëm, pasi rezultatet në minj u përshkruan si “shumë premtuese”.
Të ashtuquajturat “fabrikat” e barnave me madhësi të një tablete janë implantuar te minjtë dhe kanë dhënë rezultate të vazhdueshme dhe të larta të një proteine që forcon sistemin imunitar, shkruan Good News Network.
Mundesh me e lexu edhe…
“Ne e kemi dhënë dozën vetëm një herë, por brenda ato vazhdojnë ta ripërtërijnë dozën çdo ditë, aty ku është e nevojshme derisa kanceri të eliminohet”, tha bashkëautori Dr. Omid Veiseh, nga Universiteti Rice në Huston, Teksas, miku i familjes së të cilit vdiq nga sëmundja vdekjeprurëse.
“Pasi përcaktuam dozën e saktë – sa “fabrika” na duheshin – ne ishim në gjendje të zhduknim tumoret në 100% të kafshëve me kancer të vezoreve dhe në shtatë nga tetë kafshët me kancer kolorektal.”
Rruazat e vogla kanë një guaskë mbrojtëse që përmban qeliza të krijuara për të prodhuar interleukin-2. Ato mund të përdoren për të luftuar kancerin më vdekjeprurës, përfshirë atë të pankreasit, mëlçisë dhe mushkërive.
Ato mund të implantohen me kirurgji minimale invazive dhe mund të testohen te njerëzit deri në vjeshtë, në mënyrë që këto të përdoren në spitale sa më shpejt që të jetë e mundur.
Ekipi zgjodhi vetëm komponentë që më parë ishin provuar si të sigurt te njerëzit.
“Një sfidë e madhe në fushën e imunoterapisë është rritja e inflamacionit të tumorit dhe imuniteti kundër tumorit duke shmangur efektet anësore sistemike të citokineve dhe barnave të tjera pro-inflamatore,” tha bashkëautori Profesor Amir Jazaeri nga Universiteti i Teksasit.
Autorja kryesore Amanda Nash, një studente e diplomuar në laboratorin e Dr Veiseh, tha se rruazat provokojnë reagimin më të fortë imunitar deri më sot.
“Nëse do të jepnit të njëjtin përqendrim të proteinës përmes një pompe IV, do të ishte jashtëzakonisht toksike. Me ‘fabrikat’ e barnave, përqendrimi që shohim diku tjetër në trup, larg vendit të tumorit, është në fakt më i ulët se sa duhet të tolerojnë pacientët me trajtimet IV. Përqendrimi i lartë është vetëm në vendin e tumorit.”
Zonja Nash tha se kjo hap derën për të njëjtën qasje të përgjithshme për trajtimin e kancerit të pankreasit, mëlçisë, mushkërive dhe organeve të tjera.
Kanceri kolorektal është ndër më të zakonshmit, ndërsa ai i vezoreve është më vdekjeprurës, sepse zakonisht diagnostikohet vetëm në fazat e vona.
Avenge Bio, një startup me bazë në Massachusetts, i bashkëthemeluar nga Dr Veiseh, ka licencuar teknologjinë e fabrikës së citokinës nga Rice.
Përgatiti:
