Qyteti i Gjirokastrës dhe monumentet kulturore dhe historike të tij vijojnë të tërheqin një numër të lartë vizitorësh edhe gjatë këtij fillimviti. Drejtoria Rajonale e Kulturës Kombëtare Gjirokastër bëri të ditur se “vizitat turistike në Kalanë e Gjirokastrës për periudhën 1 -31 janar 2023 kanë ardhur duke u rritur krahasuar me të njëjtën periudhë të një viti më parë”.
“Gjatë kësaj periudhe kalaja u vizitua nga 2,701 mijë vizitorë ose 1,914 vizitorë më shumë se gjatë të njëjtës periudhë në vitin 2022”, theksoi DRTK Gjirokastër në një postim në rrjetet sociale. Kalaja është si histori e lidhur me qytetin e Gjirokastrës dhe përmendet për herë të parë si qytet dhe kështjellë në vitin 1336.
Megjithatë historianë të ndryshëm mendojnë së ekzistenca e Kalasë së gurtë është më e hershme. Kulmin e historisë së saj kjo kështjellë do ta kishte në periudhën e Pashallëkut të Janinës kur Ali Pashë Tepelena do të realizonte një sërë ndërtimesh të reja apo ndërhyrje të tjera, duke i dhënë Kalasë së Gjirokastrës fizionominë arkitektonike dhe ndërtimore që ka sot.
Mundesh me e lexu edhe…
Falë vlerave historike dhe arkitektonike që mbart kështjella e gurtë e Gjirokastrës, ajo vazhdon të ngelet monumenti më i preferuar për t’u vizituar nga grupet turistike vendase dhe të huaja përgjatë guidave dhe udhëtimeve të tyre në zonën e Gjirokastrës. /Katror.info
Përgatiti:
