Jo çdokujt ja don me kuzhinë e jo çdokush ka qejf me kalu kohën e vet t’u përgatitë ushqim, sidomos mëngjeseve t’hershme e t’ngutshme. Edhe asht krejt normale kjo gja – ne t’kuptojmë. Megjithatë, asht mirë me provu mos me kalu shujtën ma t’randësishme t’ditës. Andaj, ne kemi ardhë me nji ide t’thjeshtë për ty.
Dita e mirë shihet n’mëngjes, por edhe java e mbarë shihet qysh t’hanën. Andaj, e ke mundësinë me e fillu ditën e javën mbarë e plot shije, duke e përgatitë e provu tortillën klasike t’mëngjesit e cila asht receta ideale për fillim-javët dinamike. E çka asht edhe ma e mira e kësaj recete asht që ‘pos që mundesh me e hangër aty për aty, mundesh edhe me e marrë me vehte n’punë e me e hangër për pauzë pa pikë problemi, pa u mundu fort.
PËRBËRËSIT:
3 ve
4 lugë gjelle kashkavall (i grirë)
1 petë tortille
1 lugë e mesme gjalpë
Kripë dhe biber i zi (Opsionale)
Magdanoz i freskët (Opsionale)
2 lugë gjelle salcë kosi (Për servim – opsionale)
2 lugë gjelle salsa pikante (Për servim – opsionale)
HAPI 1:
N’ndërkohë që nxehte tigani, rrehi vezët n’1 pjatë me pak kripë dhe biber. Shto vezët e rrahuna n’tiganin me vaj t’nxehtë dhe leji me u fërgu për 4 minuta. Shto sipër kashkavallin e grirë dhe magdanozin e freskët.
HAPI 2:
Rrotullo omletin.
HAPI 3:
Vendos sipër omletit petën e tortillës e pastaj rrotulloje omletin me tortillëmn e bashkum prap, n’mënyrë që peta me u rreshkë. Largo torillën me omlet prej tiganit.
HAPI 4:
Mbështjelle tortillën me omlet e pastaj vendose n’tigan e rreshke n’2 anët atë për 2 minuta. Servo!
REZULTATI:
Servoje tortillën e mëngjesit me pak salcë kosi dhe salsë pikante meksikane për ekstra shije.
Lehtë, thjeshtë, shijshëm e mirë ti poashtu mundesh ndonjiherë tjetër me e përgatitë edhe tortillën meksikane t’mëngjesit, apo omletin e mbështjellun me perime; 2 receta këto që as nuk dojnë shumë mund e as kohë e t’cilave mundesh me ua bashkangjitë edhe nga 1 smoothie me karrotë dhe banane, apo me smoothie-n me dredhëza dhe ananas.Biles, këto receta janë ideale dhe t’përshtatshme me u marrë edhe me vehte n’punë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
